Question

OTALIKDAN MAHRUM ETIB, ALIMЕNTDAN OZOD ETSA BO‘LADIMI?

Pochcham birinchi xotinlaridan ajrashganla keyin opamga uylanganla. Birinchi xotinlarini xulqi yaxwimas xar xil erkela bilan yuradi. Ikta bolaligi bogan ajrawvotganda. Xozir bowqasidan yana tuĝgan. Shu ikta bolaga xar oy aliment tòlab kevottila adashmasam 5 yildan beri. Lekin ózligi juda qiynalishvotti pochcham oxrana bólib ishlidila opam uyda ótiradi 3 ta bolasi bor sharoiti oĝir. Alimentni qarz olib tólashvotti. Shu alimentni tólamaslik uchun otalik xuquqidan maxrum qisa bóladimi?

JAVOB:

Oila kodeksining 81-moddasiga ko‘ra ota-onalik huquqidan mahrum qilinishi ota-onani o‘z bolasiga ta’minot berish majburiyatidan ozod qilmaydi.

Demak, otalikdan huquqidan mahrum bo‘lgan taqdirda ham barbir aliment to‘lashda davom etadi.

Lekin yana bir qoida bor. Ushbu kodeksning 105-moddasiga muvofiq aliment to‘layotgan ota-onaning boshqa voyaga yetmagan bolalari bo‘lib, undan qonunda belgilangan miqdorda aliment undirilganda o‘sha bolalar aliment olayotgan bolalarga nisbatan moddiy jihatdan kamroq ta’minlanib qoladigan bo‘lsa, shuningdek aliment to‘layotgan ota (ona) nogironligi bo‘lgan shaxs bo‘lib, moddiy jihatdan qiynalib kelayotgan bo‘lsa yoki aliment olayotgan shaxs mustaqil daromadga ega bo‘lgan taqdirda, aliment miqdori sud tomonidan kamaytirilishi mumkin.

Pochchangiz ushbu masalada aliment undirish haqida buyruq (qaror) chiqargan fuqarolik sudiga da’vo ariza bilan murojaat qilib, aliment miqdorini kamaytirishni so‘rashlari mumkin.

Murojaat uchun:
@advokat24uzbot

Bizning kanal:
@advokat24uz