Talaba vafot etsa, to‘lagan kontraktini qaytarib olsa bo‘ladimi?
@Yurist_Xizmati 4913-savol:
1993 yil opam olamdan òtdi yaqinda andijon qishloq hòjaligi insitutuda sirtqi bòlimida òqirdi 4 kurs kantrak ikkita farzandi bor 10 yosh va 9 yosh kantragni malum miqdori qaytariladimi yòki yòq. Keyin opam qanaqadir firibgar puliz kòpaytirib beraman desa kartadan pul tashlagan ekan 65 mln qatga murojat qilsam bòladi topsa bòladimi
YURIST JAVOBI:
✅ Opangiz 4-kurs uchun to‘liq yoki ma’lum davr hisobiga to‘lagan kontrakt pulining, u vafot etgandan so‘ng ortib qolgan qismini qaytarib olish mumkin.
Fuqarolik kodeksining 703-moddasiga binoan haq evaziga xizmat ko‘rsatish shartnomasi bo‘yicha ijrochi buyurtmachining topshirig‘i bilan ashyoviy shaklda bo‘lmagan xizmatni bajarish (muayyan harakatlarni qilish yoki muayyan faoliyatni amalga oshirish), buyurtmachi esa bu xizmat uchun haq to‘lash majburiyatini oladi.
Qoidaning mazmuniga ko‘ra opangiz buyurtmachi sifatida universitet bilan ta’lim berish to‘g‘risida shartnoma tuzgan.
Mazkur kodeks 707-moddasida buyurtmachi xizmatlarning belgilangan bahosini batamom to‘lash sharti bilan haq evaziga xizmat ko‘rsatish shartnomasini bekor qilishni talab qilishga haqli ekanligi keltirilgan.
E’tibor bering! Ushbu kodeks 705-moddasiga muvofiq ijrochi o‘zi aybdor bo‘lmagani holda xizmatni bajara olmagan taqdirda buyurtmachi ijrochiga uning xarajatlarini to‘lashi shart, bunda ijrochining xizmat (xizmatlar) ko‘rsatishdan ozod qilinishi munosabati bilan olgan yoki olishi mumkin bo‘lgan foydasi chegirib qolinadi.
☝️Aynan ushbu normaning mazmuni universitetga o‘zlari qilgan xarajatlarni ushlab qolib, qolgan summani qaytarishi mumkinligidan dalolat beradi.
Shunga ko‘ra bu vaziyatda opangizning 1-darajali merosxo‘rlari (turmush o‘rtog‘i va ota-onasi) universitetdan pulning hammasini emas, ularning qilgan xarajatlari chegirib tashlangan qismini olishi mumkin.
Agar ular ko‘nmasa, Raqobatni rivojlantirish va iste’molchilar huquqlarini himoya qilish qo‘mitasiga murojaat qilishingiz lozim.
Qo‘shimcha ma’lumot sifatida sizga Raqobatni rivojlantirish va iste’molchilar huquqlarini himoya qilish qo‘mitasining ishonch raqamlarini taqdim etamiz.
1. Jismoniy va yuridik shahslar murojaatlari bo‘yicha ISHONCH TЕLЕFONI: 1159;
2. Iste’molchilar huquqlarini himoya qilish bo‘yicha YAGONA RAQAM: 71-207-46-00.
✅ Shuningdek, bu masalada fuqarolik sudiga kontrakt pulining qolgan qismini qaytarish haqida da’vo arizasi bilan murojaat qilish mumkin.
telegram kanal - yurist xizmati