Er-xotin ajrashsa, er ijara pulini to‘laydimi?
@Yurist_Xizmati 5571-savol:
Assalomu alaykum. Ijtimoiy tarmoklarda tarkagan xabar xakida bilmokchi edim. Unda aytilishicha, agar er xotin ajrashsa, ajrimdan keyin xotin ijarada yashasa, ijara tulovini eri tulab berilishi aytilgan. Shu xabar kanchalik tugri.
Kelinim ketib koldi uz ixtiyori bilan. Ajrashib, xam aliment olaman, xam ijarada yashab ijara tulovini olaman deb aytib ketdi. Ajralishga ariza berdi. Bu xolatda rostdan xam ijara tulovini tulash tugrisida tasdiklangan karor bormi
YURIST JAVOBI:
Savolingizdagi masala ko‘pchilik noto‘g‘ri tushunayotgan masalalardan biri, shuni tushuntirib beramiz. Avvalo, “ajrashgandan keyin erkak avtomatik ravishda sobiq xotiniga ijara puli to‘lab beradi” degan umumiy qoida qonunchilikda yo‘q. Ya’ni bu majburiyat har doim ham qo‘llaniladigan norma emas.
Uy-joy kodeksining 32-moddasiga ko‘ra, turar joydan foydalanish bilan bog‘liq nizolar sud tartibida hal qilinadi. Sud bunday ishlarni ko‘rayotganda aniq holatlarni baholaydi va faqat ayrim hollarda:
• sobiq oila a’zosini boshqa turar joyga joylashtirish; yoki
• ijarada yashayotgan bo‘lsa, ijara haqini to‘lash majburiyatini mulkdor zimmasiga yuklashi mumkin.
Lekin bu yerda muhim jihat — bu majburiyat avtomatik emas, balki:
• faqat sud qarori bilan;
• aniq sharoitlardan kelib chiqib;
• tomonlarning holati (uy kimniki, kim qayerda yashagan, boshqa yashash joyi bormi va hokazo) o‘rganilgandan keyin belgilanadi.
Siz aytayotgan holatda keliningiz o‘z ixtiyori bilan chiqib ketgan bo‘lsa, bu ham alohida ahamiyatga ega. Agar u:
turar joydan foydalanish huquqiga ega bo‘lgan bo‘lsa-yu, lekin o‘zi chiqib ketgan bo‘lsa;
yoki boshqa yashash imkoniyati mavjud bo‘lsa, sud har doim ham ijara pulini er zimmasiga yuklamaydi.
Shuningdek, aliment va ijara puli — bu ikki alohida masala:
• aliment — bola ta’minoti uchun majburiy to‘lov;
• ijara puli — faqat uy-joy nizosi doirasida, sud qarori bilan belgilanadigan ehtimoliy majburiyat.
❌Xulosa qilib aytganda “ajrashsa, er ijara pulini to‘laydi” degan umumiy qoida yo‘q, bu faqat sud tomonidan, aniq holatlardan kelib chiqib belgilanadi. Bunda har bir holat individual baholanadi va keliningiz aytayotgan gap umumiy qoida emas, balki ehtimoliy holat xolos.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati