Sport o‘qituvchisi o‘quvchilarni musobaqaga olib ketayotganda avtohalokatga uchradi, endi nima bo‘ladi?
@Yurist_Xizmati 5572-savol:
Assalomualeykum. Men sport maktabi direktoriman. Meni savolim shundan iborat 1 ta trenerim ruxsatsiz urtoklik uchrashuv musobokasiga ukuvchilarni uz mashinasida olib borib kaytayotgan paytida aftoxalokat yuz bergan 1 nafar ukuvchi vafot etgan 3 nafari balnitsada bunga kanaka choralar beriladi meni ishxonamga nima buladi.
YURIST JAVOBI:
Bu holatda birinchidan, maktab zarar ko‘rgan shaxslarning zararini qoplaydi.
Fuqarolik kodeksining 989-moddasi birinchi qismida yuridik shaxs yoxud fuqaro o‘z xodimi mehnat (xizmat, lavozim) majburiyatlarini bajarib turgan vaqtida yetkazgan zararni qoplashi belgilangan.
Ikkinchidan, o‘qituvchiga nisbatan jinoiy javobgarlik chorasi qo‘llaniladi.
Jinoyat kodeksining 266-moddasiga muvofiq transport vositasini boshqaruvchi shaxs tomonidan transport vositalari harakati yoki ulardan foydalanish xavfsizligi qoidalarini buzish badanga o‘rtacha og‘ir yoki og‘ir shikast yetkazilishiga sabab bo‘lsa:
➖uch yilgacha muayyan huquqdan mahrum qilib, bazaviy hisoblash miqdorining ellik baravarigacha miqdorda jarima yoki uch yilgacha ozodlikni cheklash yoxud uch yilgacha ozodlikdan mahrum qilish bilan jazolanadi.
Ushbu moddaning ikkinchi qismida o‘sha qilmish odam o‘lishiga sabab bo‘lsa, —
➖muayyan huquqdan mahrum qilib, yetti yilgacha ozodlikdan mahrum qilish bilan jazolanishi belgilangan.
➡️ Maktab rahbariyatiga kelsak, agar bu harakatlarda uning aybi isbotlanmasa, hech qanday ta’sir chorasi qo‘llanilmasligi kerak.
❗️Biroq aytganimizdek, maktab mablag‘lari hisobidan jabrlanuvchilarga yetkazilgan zarar qoplanishi mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati