Question

O‘z xohishim bilan ishdan bo‘shasam, hech nima bo‘lmaydimi?

@Yurist_Xizmati 5573-savol:

Dekabrda 2025 yil O‘IBDO‘ lavozimiga ishga kiruvdim. Xozir o‘z xoxishim bilan bushamoqchiman. Bushasam bo‘ladimi. Hech qanday to‘siq yuqmi?

YURIST JAVOBI:
Qonunchilikka ko‘ra, xodimning o‘z tashabbusiga ko‘ra ishdan bo‘shashi taqiqlanmagan. Agar siz mehnat shartnomasini o‘z xohishingiz bilan bekor qilsangiz, bu qonuniy huquqingiz hisoblanadi va buning uchun sizga nisbatan hech qanday intizomiy yoki boshqa salbiy chora qo‘llanilmaydi. Ishdan bo‘shash mehnat intizomini buzish yoki javobgarlikka tortilish asosiga kirmaydi.
____

Mehnat kodeksining 160-moddasiga ko‘ra, xodim nomuayyan muddatga tuzilgan mehnat shartnomasini, shuningdek muddatli mehnat shartnomasini muddatidan oldin kamida 14 kalendar kun oldin ish beruvchini yozma ravishda ogohlantirgan holda bekor qilishga haqli.
___
Demak:
•  Siz ariza yozasiz.
•  Ariza ish beruvchi tomonidan olingan kundan keyingi kundan boshlab 14 kun hisoblanadi.
•  14 kun o‘tgach, siz ishni tugatishga haqlisiz.
•  Ish beruvchi esa buyruq chiqarishi, mehnat daftarchasini (yoki elektron ko‘chirma) berishi va yakuniy hisob-kitobni amalga oshirishi shart.
✅ Agar ish beruvchi bilan kelishuvga erishilsa, 14 kunlik muddat tugamasdan ham ishdan bo‘shash mumkin. Shuningdek, ogohlantirish muddati davomida arizangizni qaytarib olish huquqiga ham egasiz.

❗️Siz o‘z xohishingiz bilan ishdan bo‘shashingiz mumkin. Qonuniy to‘siq mavjud emas, faqat 14 kun oldin yozma ravishda ogohlantirish talab etiladi.

✉️ Yuristga savol yuborish

Rasmiy kanalimiz
 @Yurist_Xizmati