Question

“Arizam bilan ishdan ketdim” deganlar ham keyin ishga tiklanishi mumkin… Nega?

Amalda shunday holatlar uchrab turibdi: ishdan bo‘shash buyrug‘ida xodimning arizasi asos qilib ko‘rsatilgan bo‘lsa-da, buyruq matnida shunday bir “o‘tkir detal” bo‘ladi — tekshiruv xulosasi.

Mana yaqinda shunday misolga duch keldik. Bir xodim “o‘z tashabbusim bilan ishdan ketdim” degan asosda chiqarilgan buyruqni taqdim qildi. Ammo u bu ariza raxbariyat tomonidan bosim ostida yozilganini aytib, sud orqali huquqini tiklashni bildirdi.

Buyruqni sinchiklab o‘rganib, ishning mohiyati boshqa ekanini payqash mumkin. Hujjatda formal jihatdan xodimning arizasi qayd etilgan, lekin bu arizaga qo‘shimcha ravishda “tekshiruv xulosasi” ham asos sifatida ko‘rsatilgan.

Qonuniy nuqtayi nazardan, agar xodim o‘z xohishi bilan ishdan ketsa, uning arizasi yetarli. Lekin “tekshiruv xulosasi”ni hujjatga kiritish – bu ish beruvchi tashabbusini yashirin shaklda bildirish demakdir.

Ya’ni, ish beruvchi xodimga ishonch yo‘qligini va uni ishdan bo‘shatmoqchi ekanini shaffof emas, bilvosita ko‘rsatib qo‘ygan. Shu sabab, bunday buyruqlar sudda osonlik bilan bekor qilinishi mumkin va xodim o‘z ish joyiga tiklanish imkoniyatiga ega bo‘ladi.

Agar ishdan bo‘shatish buyrug‘ida xodim arizasi bilan birga tekshiruv xulosasi ham tilga olingan bo‘lsa, bu hujjat orqali ish beruvchi o‘z tashabbusini pinhona amalga oshirgan bo‘ladi. Va bu holat sudda xodim foydasiga hal etilishi mumkin.

Savolingizni: @yuristgamurojaat ga qoldiring

 @yuristlar_maslahati