AYOLLARNI 60 YOSHGA TO‘LMAGUNCHA ISHDAN BO‘SHATIB BO‘LMAYDIMI ?
⚡️ SAVOL:
Men ishlab kelayotgan maktabda ko‘plab pensioner hodimlar ishlaydi. Buni evaziga yosh va bilimli kadrlarga dars soatlari yetishmaydi. O‘sha pensioner hodimlar qancha xato qilsalar xam direktorimiz ularni 60 yoshga to‘lmaguncha ishdan bo‘shata olmayman demoqda. Savolim shuki, pensiya yoshiga to‘lgan ayol hodimlarni qonuniy yo‘l bilan ishdan bo‘shatib bo‘lmaydimi ?
⚡️ JAVOB:
Har-qanday hodimni aybli hatti-xarakati uchun ishdan bo‘shatish mumkin. Xattoki hali 60 yoshga to‘lmagan pensiyadagi ayol hodimlarni xam.
❗️ Direktoringiz aytgan narsa shuki, 07.03.2019 yil kungi PQ-4235-son Prezident qarorida, ayollarning pensiya yoshiga to‘lganligi yoki qonun hujjatlariga muvofiq yoshga doir davlat pensiyasini olish huquqi vujudga kelganligi sababli ular bilan tuzilgan nomuayyan muddatli mehnat shartnomasini 60 yoshga to‘lgunga qadar yoki muddatli mehnat shartnomasini muddati tugagunga qadar ish beruvchining tashabbusiga ko‘ra bekor qilish taqiqlanadi deb belgilangan.
✏️ Barchamizga ma’lumki, yoshga doir pensiya olish huquqiga ayollar 55 yoshda ega bo‘ladilar. Yuqoridagi xujjat esa o‘sha direktoringizga ayollarni 55 yoshga to‘ldi endi bo‘ldi deb ularni 55 yoshda ishdan bo‘shatib qo‘yma yoki ular bilan muddatli shartnoma tuzgan bo‘lsang o‘sha muddat tugamaguncha o‘zboshimchalik qilib qo‘yma, bunga haqqing yo‘q demoqda. Biroq, xujjatda aynan pensiya olish huquqi vujudga kelganligi munosabati bilan deyilmoqda. Boshqa munosabatlar bilan esa istalgan hodimni ishdan bo‘shatish mumkin.
✏️ Masalan, Mehnat kodeksining 161-moddasida ish beruvchining tashabbusi bilan hodimlarni ishdan bo‘shatish asoslari sanab o‘tilgan. Agar Sizning maktabingizdagi 60 yoshga to‘lmagan pensioner hodimlar Siz aytganchalik xatolarga yo‘l qo‘yadigan bo‘lsa manashu moddadagi boshqa asoslar bilan ularni bemalol ishdan olish mumkin.