2 guruh nogironi pensiyasini qayta hisoblashda, 3 guruhda ishlagan davri ish stajiga kiradimi?
@Yurist_Xizmati 5546-savol:
Assalomu alaykum! 2 -gurux nogironiga pensiya kayta xisoblashda 3 guruhda ishlagan davri ish stajiga kiritiladimi?
YURIST JAVOBI:
Fuqarolarning davlat pensiya ta’minoti to‘g‘risidagi qonun 25-moddasiga ko‘ra pensiya miqdori ish stajining muddatiga bog‘liq bo‘lib, quyidagilardan tarkib topadi:
• pensiyaning tayanch miqdoridan;
• ish staji uchun pensiyaning oshirilishidan;
• pensiyaga qo‘shiladigan ustama haqlardan.
Ushbu qonun 28-moddasida 2 guruh urush nogironlariga – pensiyani hisoblash bazaviy miqdorining 125 foizi miqdorida ustama haqlar belgilanishi nazarda tutilgan.
Shunga ko‘ra siz ham ushbu miqdorda qo‘shimcha ustama olishga haqlisiz.
Endi qarang faqat quyidagi holatlardagina pensiya qayta hisobalanadi (Qonunning 49-moddasi):
• pensioner pensiya miqdoriga ta’sir ko‘rsatuvchi (pensiya tayinlanishigacha bo‘lgan ish staji va ish haqi to‘g‘risidagi hamda boshqa) qo‘shimcha hujjatlarni taqdim etgan taqdirda;
• nogironlik guruhi o‘zgarganda;
• boquvchisini yo‘qotganlik pensiyasi oladigan oila a’zolari soni o‘zgarganda;
• pensiyani hisoblashning bazaviy miqdorlari o‘zgargan taqdirda;
• yoshga doir eng kam pensiya miqdori o‘zgarganda;
• daromadlar indeksatsiya qilingan taqdirda.
☝️Demak, sizdagi vaziyatda ham pensiyalar faqat ushbu asoslardan biri bo‘lgandagina qayta hisoblanadi.
♂️Ya’ni sizdagi holatda nogironligi bo‘lgan shaxslar ishlaganda ularning ish yiliga qo‘shimcha staj qo‘shiladi degan qoida yo‘q.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati