Mashina old "oblitsovka"sini o‘zgartirish qayta jihozga kiradimi?
@Yurist_Xizmati 4929-savol:
Assalomu alaykum admin. Savolim avtotransport (Treker2) vositasini old oblesovkasini o‘zgartirish qayta jixoz turiga kiradimi. O‘zi avtotransport qayta jixozga nimalar kiradi. Javob uchun oldindan rahmat.
YURIST JAVOBI:
Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risida yagona nizomning 26-ilovasiga muvofiq Avtotransport vositalarini qayta jihozlash uchun ruxsatnoma pasportida ko‘rsatib o‘tilgan.
Mazkur pasportning 12-bandida avtotransport vositasi qayta jihozlangan deb tan olinadigan o‘zgarishlar ro‘yxati ko‘rsatilgan bo‘lib, mazkur ro‘yxatda avtotransportning kapot yoki boshqa qismlari rangi o‘zgartirilishi nazarda tutilmagan va bu holat uchun ruxsatnoma talab qilinishi belgilanmagan.
✅ Shunday ekan, bu holatda ruxsatnoma olish shart emas.
telegram kanal yurist xizmati