Tojikiston diplomi nostrifikatsiya qilmasa ham, O‘zbekistonga o‘tadimi?
@Yurist_Xizmati 5550-savol:
Tojikiston diplomini nastrifikatsiya kilmasa Uzbekistonda utadimu yangi karor chikanmu nastrifikatsiya tugoisida. Tojikiston diplomini tan olish tugrisidagi karor kanchalik tugri. Man maktabda ishlayman diplomim Tojikiston diplomi tan olish tugrisidagi karor chikanmu. 2004 yildan beri kallej diplom bilan ishlab kelmokdaman Toshkent pedagogika kallejini bitirganman 2020 yil Xujand davlat pedagogika universitetiga kirib 2025 yil bitirganman endi maktab nastrifikatsiya kil deyapti testga borib ball ololmadim chet yel diplomi tan olish tugrisidagi karor chikanmu. Manga anik va lunda javob bering. 20 yil stajim bor
YURIST JAVOBI:
✅ Diplomingizni nostrifikatsiyadan o‘tkazishingiz kerak.
Vazirlar Mahkamasining 2019 yil 24 iyuldagi 620-son qaroriga 1-ilovada tasdiqlangan Xorijiy davlatlarda ta’lim olganlik to‘g‘risidagi hujjatlarni tan olish tartibi haqidagi Nizom 2-bandiga muvofiq xorijiy davlatlarning milliy qonunchiligi asosida berilgan ta’lim olganlikni tasdiqlovchi rasmiy hujjat xorijiy davlatlarda ta’lim olganlik to‘g‘risidagi hujjat hisoblanib, mazkur nizom qoidaga ko‘ra tan olinadi.
♂️ Bunda siz o‘qishni tamomlab, diplomni olganingizdan so‘ng Davlat xizmatlari markazi orqali yoki elektron shaklda my.gov.uz sayti orqali diplomni tan olish bo‘yicha ariza berasiz (nizom 8-bandi).
Nizomning 10-bandiga ko‘ra Xorijiy davlatlarda ta’lim olganlik to‘g‘risidagi hujjatlarni tan olish uchun so‘rovnomaga quyidagi hujjatlar ilova qilinadi:
xorijiy davlatlarda ta’lim olganlik to‘g‘risidagi hujjat va unga ilovaning skaner qilinib, pdf formatida saqlangan nusxasi;
xorijiy davlatlarda ta’lim olganlik to‘g‘risidagi hujjat va unga ilovaning O‘zbekiston Respublikasi davlat tiliga tarjima qilingan notarial tasdiqlangan hamda skaner qilinib, pdf formatida saqlangan nusxasi.
Endi qarang! Nizomning 32-bandiga muvofiq Xorijiy ta’lim to‘g‘risidagi hujjatlarni tan olish haqida ijobiy xulosa berish uchun quyidagilar asos hisoblanadi:
1. xorijiy ta’lim to‘g‘risidagi hujjatni bergan ta’lim muassasasi va ushbu muassasa tomonidan berilgan hujjatning o‘sha davlat tomonidan tan olingan bo‘lishi;
2. xorijiy ta’lim to‘g‘risidagi hujjat berishga asos bo‘lgan ta’lim standartlarining yoki ta’lim dasturlarining O‘zbekiston Respublikasida amalda bo‘lgan davlat ta’lim standartlari va ta’lim dasturlariga muvofiqligi;
3. O‘zbekiston Respublikasi va xorijiy ta’lim to‘g‘risida hujjatni bergan davlatning ta’lim tizimiga qo‘yilgan umumiy talablarning mosligi.
✅ Demak, sizdagi vaziyatda ham diplomingiz yuqoridagi meyorlarga mos kelsa tan olinadi va shu asosda siz ishlashingiz mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati