Ajrimda bir tomon ajrashishni xohlamasa nima bo‘ladi?
@Yurist_Xizmati 5536-savol:
Assalomu alaykum! Qizimni to‘yiga 4 oy bo‘ldi, kuyov bilan ajrashishga ariza berishgan. Arizaga ko‘ra 3 oy muhlat berilgan 26-fevralda ajrashishi kerak. Qizim ajrashishni istamayapti, lekin kuyov xohlayapti ajrashishni. 26-fevral kuni ularni ajrashtiradimi qonunga ko‘ra, shu kuni qizim bormasa nima bo‘ladi?
YURIST JAVOBI:
Agar ajrashish haqida ariza FHDYO (ZAGS)ga berilgan bo‘lsa, unda qizingiz ajrashishni xohlmasa, unda bu nizoli holat sanaladi va ajrashishni rad qilish haqida qaror qabul qiladi.
Chunki Oila kodeksining 42-moddasiga ko‘ra voyaga yetmagan bolalari bo‘lmagan er-xotin nikohdan ajratishga o‘zaro rozi bo‘lsalar, ular nikohdan fuqarolik holati dalolatnomalarini qayd etish organlarida ajratiladi.
☝️Qoidaga e’tibor bersak, unda FHDYO er-xotinni ularning voyaga yetmagan farzandlari bo‘lmagan va ularning har ikkisi ajrashishga rozi bo‘lgandagina ajrashtiradi.
Shuningdek, Oila kodeksi 218-moddasida er-xotinning o‘zaro roziligi bo‘lganda nikohdan ajralishda ariza beruvchilar fuqarolik holati dalolatnomalarini yozish organiga bergan arizalarida o‘rtada voyaga yetmagan bolalari va mulkiy nizolari yo‘qligini tasdiqlashlari shartligi belgilangan.
Bunda nikohdan ajralish ariza beruvchilarning doimiy yashash yoki vaqtincha turgan joyi bo‘yicha ro‘yxatdan o‘tgan joydan qat’i nazar fuqarolik holati dalolatnomalarini yozish organiga ariza berilgan kundan boshlab uch oy muddat o‘tgach qayd etiladi.
⚠️Demak, sizdagi vaziyatda ham agar ariza FHDYOga berilgan va qizingiz nikohdan ajrashishni xohlamasa, FHDYO arizani rad qiladi.
❗️Agar ariza sudga berilgan bo‘lsa, sud OK 41-moddasi asosida er va xotinning bundan buyon birgalikda yashashiga va oilani saqlab qolishga imkoniyat yo‘q deb topsa, ularni nikohdan ajratadi. Ya’ni bunday holatda sud nikohni bekor qilishi ham, rad qilishi ham mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati