2025 yildan boshlab, ta’lim o‘zbek tilida olib borilmaydigan sinf bitiruvchilari ham davlat tilidan yakuniy imtihon topshirishi majburiy bo‘ldi.
Maktabgacha va maktab ta’limi vazirining 2025 yil 20 fevraldagi 65-sonli buyrug‘iga asosan, umumiy o‘rta ta’lim muassasalarida yakuniy attestatsiya fanlari va imtihon shakllari belgilandi.
9-sinf bitiruvchilari uchun imtihon fanlari:
- Ona tili va adabiyoti (o‘zbek tilida ta’lim oluvchilar uchun) – yozma;
- Davlat tili (o‘zbek tilida ta’lim olmaydiganlar uchun) – yozma;
- Matematika – yozma;
- O‘zbekiston tarixi – yozma/og‘zaki;
- Jismoniy tarbiya – amaliy.
11-sinf bitiruvchilari uchun imtihon fanlari:
- Ona tili va adabiyoti (o‘zbek tilida ta’lim oluvchilar uchun) – yozma;
- Davlat tili (o‘zbek tilida ta’lim olmaydiganlar uchun) – yozma;
- Matematika (Asosiy yoki chuqurlashtirilgan) – yozma;
- Tarix – yozma.
Tanlov bo‘yicha fanlar:
- Ona tili va adabiyoti (qoraqalpoq, rus, qozoq, turkman, tojik, qirg‘iz tillarida ta’lim olganlar uchun), Biologiya, Fizika, Kimyo, Davlat huquq asoslari, Geografiya – yozma;
- Chet tili – yozma/og‘zaki.
Ma’lumot uchun, 2025 yilidan boshlab ta’lim o‘zbek tilida olib borilmaydigan umumiy o‘rta ta’lim muassasalarining 11 sinf bitiruvchilari uchun ham Davlat tilidan yakuniy nazorat imtihonlarini topshirish majburiy bo‘lishi belgilanmoqda.
Mazkur o‘zgarishlar davlat tilining o‘rganilishini rag‘batlantirish va ta’lim sifatini oshirishga qaratilgan.