11 sinf o‘quvchisi muddatidan oldin yakuniy imtihonlarini topshirsa bo‘ladimi?
@Yurist_Xizmati 4534-savol:
Assalomu alaykum meni sinf bitiruvchi 11-sinf, bir o‘quvchimni onasi Rossiyada edi betob ekan, 3-may kuni uchib ketyapti, shunga muddatidan oldin imtixonlarini topshirib ketsa bo‘ladimi, shunga asoslanib shaxodatnoma olsa bo‘ladimi, muddatidan oldin topshirish imkoni bo‘lsa tartibini tushuntirib bersangiz...
YURIST JAVOBI:
❌ Muddatidan oldin yakuniy attestatsiyada topshirib bo‘lmaydi.
Umumiy o‘rta ta’lim oluvchilarning yakuniy davlat attestatsiyasi to‘g‘risidagi Nizom (20.03.2008 yilda ro‘yxatdan o‘tgan, ro‘yxat raqami 1778) 39-bandiga ko‘ra bitiruvchilarning yashash joyi o‘zgarishi (Respublikadan tashqariga chiqish) munosabati bilan shu holatni tasdiqlovchi rasmiy hujjatlari bo‘lsa, (bu holat mart-aprel-may oylarida yuzaga kelsa) bunday bitiruvchilarga yakuniy attestatsiyadan muddatidan ilgari o‘tishlariga Qoraqalpog‘iston Respublikasi xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi bosh boshqarmasining buyrug‘i bilan ruxsat beriladi.
☝️Shunga ko‘ra muddatidan ilgari attestatsiyadan o‘tish faqat yuqoridagi holatdagina bo‘lishi mumkin.
Sizdagi holatda nizomning 40-bandiga ko‘ra yakuniy attestatsiya davrida kasal bo‘lgan va yakuniy attestatsiya jarayoni tugashigacha tuzalib kelgan bitiruvchilar maktab direktorining buyrug‘iga ko‘ra qoldirilgan fanlardan yakuniy attestatsiya tugagandan so‘ng ikki hafta o‘tgach yakuniy attestatsiyadan o‘tadilar.
✅ Shuni ham aytish kerakki, agar o‘quvchida quyidagi havolada keltirilgan kasalliklardan biri mavjud bo‘lsa, attestatsiyadan ozod qilinadi.