"PRAVASI RISHON" BO‘LGANLAR MUDDATIDAN OLDIN ChЕKLOVDAN QUTILISHI MUMKINMI ?
⚡️SAVOL:
Meni "pravam" bir yil oldin bir yilu olti oyga "rishon" bo‘lgan edi. Shuni to‘liq muddat tugamasdan cheklovdan qutilishim mumkinmi ?
⚡️JAVOB:
Ma’muriy javobgarlik to‘g‘risidagi kodeksning 343-moddasiga asosan,
➖ muayyan muddatga transport vositasini boshqarish huquqidan mahrum etilgan shaxs mehnatga halol munosabatda bo‘lishi va namunali xulq-atvori bilan o‘zini ko‘rsatgan taqdirda, unga nisbatan jazo qo‘llagan jinoyat ishlari bo‘yicha sud bunday huquqdan mahrum qilish muddatini belgilangan muddatning kamida yarmi o‘tgach va sud tomonidan tayinlangan jarima to‘langach, korxona, muassasa, tashkilot ma’muriyatining iltimosi bilan qisqartirishi mumkinligi belgilangan.
✏️ Sizni haydovchilik guvohnomangiz bir yil oldin bir yil olti oyga "rishon" bo‘lgan bo‘lsa, demak belgilangan muddatni yarmidan ko‘pi o‘tibdi. Endi Siz ishlayotgan tashkilot ma’muriyati shu fuqaroni transport vositasini boshqarish huquqidan mahrum etilgan muddatini qisqartirishingizni so‘raymiz degan mazmundagi iltimosnoma bilan sudga murojaat qilsa, sud tomonidan 1 yil 6 oy to‘liq tugamasidan Sizni avtomashina boshqarish huquqingiz qayta tiklanishi mumkin