Ikkita diplomi bor o‘qituvchi, ikki fandan ham dars olishi mumkinmi?
@Yurist_Xizmati 4675-savol:
Assalomu alaykum. Meni savolim kuyidagicha. Men ukituvchiman ikkita bakalavr diplomim bor. Bittasi fizika fanidan, bittasi tarixdan. Men bitta maktabdan xam fizika xam tarixdan dars olishim mumkinmi? Bu kay tartibda amalga oshiriladi. Javobiz uchun oldindan raxmat
YURIST JAVOBI:
✅ Ha mumkin.
Maktabgacha va maktab ta’limi vazirining 2024 yil 1 avgustdagi 238-sonli buyrug‘iga 12-ilovada tasdiqlangan Umumiy o‘rta ta’lim maktabi (maktab-internat) rahbar va xodimlarining asosiy lavozimlarining malaka tavsiflariga ko‘ra o‘qituvchi lavozimining malaka tavsiflariga binoan:
a) boshlang‘ich sinf o‘qituvchisi uchun:
➖ boshlang‘ich ta’lim ixtisosligi bo‘yicha kamida o‘rta maxsus pedagogik ma’lumot yoki kamida bakalavr darajasidagi oliy ma’lumot va boshlang‘ich ta’lim ixtisosligi bo‘yicha dars berish huquqi bilan kasbiy qayta tayyorlov kursini tugatganligi;
b) fan o‘qituvchisi uchun:
➖ fan yo‘nalishiga to‘g‘ri keluvchi kamida bakalavr darajasidagi oliy pedagogik ma’lumot yoki kamida bakalavr darajasidagi oliy ma’lumot va fan yo‘nalishiga to‘g‘ri keluvchi dars berish huquqi bilan kasbiy qayta tayyorlov kursini tugatganligi yoxud fan yo‘nalishiga (xususiyatiga) to‘g‘ri keluvchi kamida bakalavr darajasidagi oliy ma’lumot va pedagogik faoliyat yuritish huquqi bilan qayta tayyorlov kursini tugatganligi talab etiladi.
Yuqoridagi qoidaga ko‘ra fan o‘qituvchisi shu fan bo‘yicha oliy pedagogik ma’lumotga ega bo‘lishi kerakligi aytilmoqda.
Bu holatda “Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi nizomga (ro‘yxat raqami 3271) 15 va 16-bandlari dars taqsimotiga nisbatan qo‘llaniladi.
✅ Shunga ko‘ra siz ikki fan bo‘yicha oliy pedagogik ma’lumotga ega bo‘lsangiz, unda ikki fandan dars berishingiz mumkin.
Yurist Xizmati telegram kanali