Nogiron farzandi bor 51 yoshli o‘qituvchi muddatidan avval pensiyaga chiqishi mumkinmi?
@Yurist_Xizmati 5562-savol:
Men sizlarga savol jo‘natgandim o‘qituvchi bo‘lib ishlayman ish stajim 31 yil nogiron farzandim bor yoshim 51 da lekin farzandim 10 yoshidan nafaqa oladi men nafaqaga chiqsam bo‘ladimi
YURIST JAVOBI:
Pensiyaga chiqishda ish stajidan tashqari yoshga oid meyor ham belgilanadi. Umumiy qoida bo‘yicha yoshga doir pensiya olish huquqiga:
• erkaklar — 60 yoshga to‘lganda va ish stajlari kamida 25 yil bo‘lgan taqdirda;
• ayollar — 55 yoshga to‘lganda va ish stajlari kamida 20 yil bo‘lgan taqdirda ega bo‘ladilar.
Bu Fuqarolarning davlat pensiya ta’minoti to‘g‘risidagi qonuni 7-moddasida mustahkamlangan.
Shu bilan birga pensiyaga chiqish yoshini kamaytirish bo‘yicha bir qator imtiyoz bor.
Bunda qonunning 12-moddasi birinchi qismi z bandida bolalikdan nogironligi bo‘lgan farzandlarning onalari ularni sakkiz yoshgacha tarbiyalagan bo‘lsa — ish staji kamida 20 yil bo‘lgan taqdirda oxirgi ish joyidan qat’i nazar, ushbu Qonunning 7-moddasida belgilangan yoshni 5 yilga qisqartirilgan holda pensiya olish huquqiga ega bo‘lishi belgilangan.
Basharti, ayol o‘gay o‘g‘il va o‘gay qizni ular 8 yoshga to‘lguniga qadar kamida 5 yil tarbiyalagan bo‘lsa, pensiya tayinlashda ular haqiqiy farzandlar bilan teng ravishda hisobga olinadi.
♂️Demak, sizdagi holatda farzandingiz 10 yoshdan boshlab nogironlik guruhini olgani sababli, bu imtiyoz sizga qo‘llanilmaydi.
❗️Siz ushbu qonunning 12-1-moddasiga asosan ellik to‘rt yoshga to‘lganda pensiya olish huquqiga ega bo‘lasiz.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati