Question

Uyni oldi-sotdi qilsa arzon tushadimi yoki hadya qilsa?

@Yurist_Xizmati 5512-savol:

Assalomu alaykum. Qayinukam bilan qo‘shni turamiz. Oramizda to‘siq yuq.  O‘g‘limga ogorodidan 5 sotixini bermoqchi. Oldi-sotdi qilishimiz kerakmi yoki hadya qilishi kerakmi? Kaysi holatda kam harajat qilinadi. Tartibi qanday bo‘ladi. Keyinchalik yerga davogarlik qilinmaydimi?
YURIST JAVOBI:

✅ Hadya qilish arzonga tushadi.

❗️Lekin nizo chiqadigan bo‘lsa, unda hadyani bekor qilish anchagina qiyin sanaladi. Lekin yana bir narsa, yer uchastkasi xususiylashtirilmagan bo‘lsa, uni o‘zini boshqa birovga hadya qilib ham, sotib ham bo‘lmaydi.

Chunki meros qilib qoldiriladigan umrbod egalik qilish huquqi bilan yer uchastkasi tegishli bo‘lsa, unda bu yer uchastkasi ustida muayyan obekt qurib, keyin uni kadastr qilgan holda sotish yoki hadya qilish mumkin.

✅ Fuqarolik kodeksining 502-moddasiga muvofiq qaynukangiz hadya qiluvchi sifatida o‘ziga tegishli bo‘lgan yer uchastkasini (ustiga muayyan bino yoki inshoot qurgan holda kadastr qildirib) sizga – hadya oluvchiga hadya qilishi mumkin.

‍♂️ Bunda ushbu shartnoma Fuqarolik kodeksining 504-moddasiga asosan ushbu shartnoma yozma shaklda tuzilishi talab etiladi.

⚠️Shuningdek, bu shartnoma notariuslar tomonidan notarial harakatlarni amalga oshirish tartibi to‘g‘risidagi yo‘riqnoma (ro‘yxat raqami 3113)ga muvofiq notarial tasdiqlanishi hamda davlat ro‘yxatidan o‘tkazilishi talab etiladi.

✉️ Yuristga savol yuborish

 Yurist bilan qo‘ng‘iroq orqali bog‘lanish

Barcha turdagi hujjatlarga buyurtma berish
Rasmiy kanalimiz:
 @Yurist_Xizmati