Sud ishga tikladi, lekin direktor bajarmayapti – bu qonuniymi?
@Yurist_Xizmati 5485-savol:
Assalomu aleykum mening savolim: men maktabda kadirlar bo‘yicha menejeri lavozimida ishlar edim maktab direktori meni maktab ichki qoidalarini qo‘pol ravishda buzgansan deb ishdan bo‘shatdi mening 3 yoshga to‘lmagan 2 nafar farzandim bor fuqarolik sudi meni ishga tikladi 2025 yil 17 dekabrda maktab direktori viloyat appelyatsiyaga berganman deb 2 oydan beri sud qarori bajarilmayapdi shu to‘g‘rimi?
3 yoshgacha farzandlari bor onalarni ishdan bo‘shatish mumkinmi?
YURIST JAVOBI:
Quyidagi sizdagi vaziyatga nisbatan huquqiy asoslar asosida tizimli va aniq tushuntirish beramiz.
____
❓1. 3 yoshgacha farzandi bor onani ishdan bo‘shatish mumkinmi?
Mehnat kodeksining 163-moddasiga ko‘ra, ish beruvchining tashabbusiga ko‘ra mehnat shartnomasini bekor qilish homilador ayollarga hamda uch yoshgacha bolasi bo‘lgan xodimlarga nisbatan qonunda nazarda tutilgan kafolatlarga rioya qilmasdan amalga oshirilishi taqiqlanadi.
Bu norma himoya xarakteriga ega bo‘lib, ijtimoiy himoyaga muhtoj toifadagi xodimlarni asossiz ravishda ishdan bo‘shatishning oldini olishga qaratilgan. Sizning holatingizda sud tomonidan ishga tiklash haqida hal qiluv qarori chiqarilganligi, ishdan bo‘shatish noqonuniy deb topilganini anglatadi.
____
❓2. Sud qarori ijro qilinmayotgani to‘g‘rimi?
Fuqarolik protsessual kodeksining 266-moddasiga ko‘ra, mehnat shartnomasi g‘ayriqonuniy ravishda bekor qilingan xodimni avvalgi ishiga tiklash to‘g‘risidagi sud qarori darhol ijro etilishi lozim.
♂️ Bu degani:
• Apellyatsiya berilgan bo‘lsa ham,
• Qaror ijrosi to‘xtatilmaydi,
• Xodim darhol ishga tiklanishi kerak. Shuningdek, FPK 387-moddasiga ko‘ra, ishga tiklash to‘g‘risidagi qaror ustidan apellyatsiya shikoyati berilsa, unga qarorning ijrosiga doir hujjat ilova qilingan taqdirdagina qabul qilinadi.
❌Demak, direktor “apellyatsiya berdim” degan asos bilan qarorni 2 oy davomida bajarmasligi qonuniy emas. Direktor sizni ishta tiklash haqida buyruq chiqarmaguncha apellyatsiya berishining foydasi yo‘q.
____
❓3. Ushbu holatda qanday harakat qilishingiz lozim?
Bunday holatda siz tuman (shahar) adliya bo‘limiga murojaat qilishingiz lozim. Sud qarori bajarilmasligi qonun buzilishi hisoblanadi.
Mehnat kodeksining 333-moddasiga ko‘ra, agar ish beruvchi xodimga to‘lanishi lozim bo‘lgan to‘lovlarni kechiktirsa, u har bir kechiktirilgan kun uchun Markaziy bankning qayta moliyalashtirish stavkasining 10 foizi miqdorida pulli kompensatsiya to‘lashi shart.
Bu majburiyat ish beruvchining aybi bor-yo‘qligidan qat’i nazar yuzaga keladi.
❗️Shu sababli, agar siz ishga tiklanmagan bo‘lsangiz, unda siz nafaqat ishga tiklanishni, balki kechiktirilgan to‘lovlar bo‘yicha kompensatsiyani ham talab qilish huquqiga egasiz.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati