Shoshilinch tibbiy yordamda o‘rindosh bo‘lib ishlaydigan vrachlarga ustama beriladimi?
@Yurist_Xizmati 5347-savol:
Assalomu aleykum yaxshimisiz, savolim shundan iboratki men asosiy bolib Tibbiyot institutida PhD, assistant bo‘lib ishlayman. O‘rindosh bo‘lib esa shoshilinch tibbiy yordam ilmiy markazida shifokor vazifasida ishlayman. 5yillik ish stajim bor, lekin davolash muassasasi siz asosiy joydan staj un qoshimcha oylik ustamani olasiz, ular berolmasligini aytishdi. Yoki shu to‘g‘risida hujjat korsatishimni aytishdi. Boshqalar olishyaptiku dedim. Asosiy ish joyimda pedagogman, o‘rindosh ish joyimda 5yillik shifokorman, davolash muassasasi menga staj un qoshimcha ustama berishi kerakmi yo‘qmi javob bersangiz iltimos
YURIST JAVOBI:
Vazirlar Mahkamasining 2005-yil 21-dekabrdagi 276-son qaroriga 2-ilovada tasdiqlangan «O‘zbekiston Respublikasi davlat muassasalari tibbiyot va farmatsevtika xodimlari mehnatiga haq to‘lash tartibi va shartlari to‘g‘risida»gi Nizom 24-bandiga ko‘ra alohida muassasalar, bo‘linmalar va lavozimlarda ish staji uchun ustamalar:
➖ shoshilinch tibbiy yordam xizmatining vrachlariga, o‘rta va kichik tibbiyot xodimlariga:
ishlangan birinchi uch yil uchun hamda har bir keyingi ikki yil uchun tarif stavkasiga nisbatan 10 foizdan miqdorda belgilanadi,
ustamaning eng ko‘p miqdori — 30 foiz miqdorda belgilanadi.
❗️Mana shu qoidaga ko‘ra sizga bevosita ushbu muassasadagi ish stajingiz hisobidan ustama belgilanishi talab etiladi. Bunda sizning boshqa ish joyida o‘qituvchi lavozimida ishlashingiz ahamiyatga ega emas.
Negaki mazkur ustama faqat shoshilinch tibbiy yordam muassasalari vrachlari hamda o‘rta va kichik tibbiyot xodimlariga uchun belgilangan.
✅ Siz ushbu masalada tuman adliya bo‘limiga murojaat qilishingiz lozim.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati