Davlat xizmatchisi sud tomonidan korrupsion holat bo‘yicha aybli deb topilsa, ishdan bo‘shatish mumkinmi?
@Yurist_Xizmati 5355-savol:
Assalomu alaykum. Davlat fukorolik xizmatchisi sud tomonidan korrupsion xolat buyicha aybli deb topilgan bulsa, ya’ni JKning 168, 211-moddalari bilan sudlansa xodimni ishdan bushatish mumkinmi va agar mumkin bulsa kaysi xujjatga asosan. Oldindan raxmat.
YURIST JAVOBI:
Davlat fuqarolik xizmati to‘g‘risidagi qonun 2-moddasiga ko‘ra Davlat fuqarolik xizmatchilarining ushbu Qonun bilan tartibga solinmagan mehnatga oid munosabatlari O‘zbekiston Respublikasining Mehnat kodeksi bilan tartibga solinadi.
Shunga muvofiq davlat fuqarolik xizmatchisi bilan tuzilgan mehnat shartnomasini bekor qilish MK qoidalariga asosan amalga oshiriladi.
Sizdagi vaziyatda xodimni ishdan bo‘shatishning 2 usuli mavjud.
1️⃣Agar sudning hukmida xodim egallab turgan lavozimida ishlashini cheklovchi jazo chorasi (Jinoyat kodeksi 45-moddasi bilan) qo‘llanilgan bo‘lsa, unda shartnoma Mehnat kodeksi 168-moddasi birinchi qismi 3-bandi bilan (xodim sudning qaysi hukmi bilan avvalgi ishini davom ettirish imkoniyatini istisno etadigan jazoga hukm qilingan bo‘lsa, o‘sha sud hukmining qonuniy kuchga kirganli) bekor qilinadi.
2️⃣Agar sudning hukmida bunday qo‘shimcha jazo chorasi nazarda tutilmagan bo‘lsa, m.sh.ni ushbu kodeks 161-moddasi ikkinchi qismi 5-bandi bilan (xodimning o‘z mehnat majburiyatlarini bir marta qo‘pol ravishda buzganligi) bekor qilish mumkin.
Biroq bunda xodim sodir etgan qilmish mehnat majburiyatlarining bir marta qo‘pol ravishda buzilish sifatida quyidagi hujjatlardan birida qayd etilgan bo‘lishi kerak:
• ichki mehnat tartibi qoidalari;
• ushbu Kodeksda nazarda tutilgan hollarda tashkilot mulkdori va rahbari o‘rtasida tuzilgan mehnat shartnomasi, shuningdek xodim va ish beruvchi o‘rtasidagi mehnat shartnomasi;
• o‘ziga nisbatan intizom to‘g‘risidagi ustavlar va nizomlarning amal qilishi tatbiq etiladigan ayrim toifadagi xodimlarga nisbatan qo‘llaniladigan intizom to‘g‘risidagi ustavlar hamda nizomlar bilan belgilanadi.
❗️Agar ushbu hujjatlarda xodimning qilmishi bir marta qo‘pol ravishda buzilish sifatida qayd etilmagan bo‘lsa, xodimni bu asos bilan ishdan bo‘shata olmaysiz.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati