Kadastr qilinmagan joyga qurilgan uyni qanday qilib buzmasdan saqlab qolish mumkin?
@Yurist_Xizmati 5364-savol:
Assalomu aleykum. 2022 yilda uyni kadastr chegarasidan tashkari ayvon kurilgan. Mazkur ayvon kadstir agentligi tomonidan aniklanib , buzish buyicha ogoxlantirish xati bergan. Aks xolda BXM 200 barobariga jarima va buzish aytilgan xatda. Ushbu xolatda mazkur ayvonni kanday tarzda konuniy kadastirga kiritib olsak buladi. Jarimani rad kilish yoki kamaytirish tartibi kanday.
YURIST JAVOBI:
Ayvonni buzmasangiz aniq jarimaga tortilasiz.
1️⃣Birinchidan, Fuqarolik kodeksining 212-moddasiga binoan qonunchilikda belgilangan tartibda qurilish maqsadlari uchun ajratilmagan yer uchastkalarida, shuningdek imorat qurish uchun zarur ruxsatnoma olmasdan yoki arxitektura va qurilish normalari hamda qoidalarini jiddiy buzgan holda qurilgan uy-joy, boshqa bino, inshoot yoki o‘zga ko‘chmas mulk o‘zboshimchalik bilan qurilgan imorat hisoblanadi.
❗️Demak, siz o‘zingizga tegishli bo‘lmagan yer uchatkasida qurilish qilsangiz, bu o‘zboshimchalik bilan qurilgan imorat hisoblanadi.
2️⃣Ikkinchidan, Ma’muriy javobgarlik to‘g‘risidagi kodeks 60-moddasi uchinchi qismiga ko‘ra o‘zboshimchalik bilan egallab olingan, ajratilgan yer uchastkasiga tutash bo‘lgan va tutash bo‘lmagan yer uchastkalarida qurilish ishlarini amalga oshirish:
fuqarolarga — bazaviy hisoblash miqdorining ikki yuz baravari;
mansabdor shaxslarga esa — to‘rt yuz baravari miqdorda jarima solishga sabab bo‘ladi.
Sizdagi vaziyatda ayvon joylashgan yer uchastkasi qizil chiziqqa tushmagan, boshqa shaxslarning huquqlari va qonuniy manfaatlarini buzmaydigan hamda shu yer uchastkasidan boshqa shaxslarning foydalanish imkoniyati mavjud bo‘lmasa, bu yer uchastkasini xususiylashtirib olishingiz mumkin.
Qarang! Qishloq xo‘jaligiga mo‘ljallanmagan yer uchastkalarini xususiylashtirish to‘g‘risidagi qonun 14-moddasida yer uchastkalarini xususiylashtirish quyidagi shakllarda amalga oshirilishi belgilangan:
xususiylashtirish subektlari tomonidan o‘ziga doimiy foydalanish (egalik qilish), ijara yoxud meros qilib qoldiriladigan umrbod egalik qilish huquqi asosida tegishli bo‘lgan yer uchastkalarini sotib olish;
yer uchastkalarini elektron onlayn-autsion orqali sotib olish.
Sizdagi vaziyatda yer uchastkasiga nisbatan sizda huquq bo‘lmagani uchun siz bu yer uchastkasini autsion orqali sotib olishingiz mumkin.
♂️ Bunda Vazirlar Mahkamasining 2022-yil 14-fevraldagi 71-son qarori bilan tasdiqlangan ma’muriy reglament qoidalariga ko‘ra bu yer uchastkasini autsion savdolariga chiqarishni so‘rab hududiy kadastr organlariga murojaat qilishingiz kerak.
✅ Shu asosda siz yerni xususiylashtirishingiz mumkin. Shundan so‘nggina ayvonni buzmaslik mumkin bo‘ladi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati