Alimentni kamaytirish mumkinmi?
@Yurist_Xizmati 5257-savol:
Assalomu alaykum yurist xizmati xodimlari. Men birinchi turmushimdan 2 nafar voyaga yetmagan farzandlarim bor. Xar oy 1178000 sum aliment berib bolalarimdan xabar olib turaman. Yakinda (4 oy oldin) ikkinchi turmushimdan farzand kurdik. Alimentni kamaytirishim mumkinmi? Agar mumkin bulsa kimga murojaat kilay? Chunki ikkinchi oilamga extiyojim bor. Yakinda men Kozokiston respublikasiga ishlash uchun bormokchi buldim, lekin chegaradan kaytdim, sababini surishtirsam 5 yillik alimentni oldindan tulov kilishim kerak ekan. Majburiy Ijro xodimlari shunaka konun chikgan deb aytdi. Agar chikgan takdirda meni ogoxlantirishi kerak emasmidi? Men ancha moddiy zarar kurdim. Mana shu kurgan zararni undirishim mumkinmi? "Zapret"ni ochish uchun nima kilay? 5 yillik aliment u yokda tursin 1 yilligini oldindan tulov kilishga kurbim yetmaydi. Iltimos yul kursatinglar. Oldindan raxmat!
YURIST JAVOBI:
✅ Alimentni kamaytirish mumkin.
Oila kodeksining 99-moddasi birinchi qismida 3 va undan ortiq farzand uchun aliment miqdori aliment to‘lovchining ish haqi va boshqa daromadlarining ½ qismi miqdorida undirilishi belgilangan.
Savolda hozir 3 nafar farzandingiz borligini yozgansiz. Shunday ekan, ikkinchi turmush o‘rtog‘ingiz ham alimentga beradigan bo‘lsa, siz har ikki sud qarorini umumlashtirish va suddan alimentni qayta taqlashni so‘rash huquqiga egasiz. Bu Oila kodeksining 115-moddasida qayd etilgan huquqingiz sanaladi.
Shuningdek, siz suddan umumiy aliment miqdorini kamaytirishni so‘rashingiz ham mumkin.
Bunda Oila kodeksining 105-moddasiga muvofiq Aliment to‘layotgan ota-onaning boshqa voyaga yetmagan bolalari bo‘lib, undan qonunda belgilangan miqdorda aliment undirilganda o‘sha bolalar aliment olayotgan bolalarga nisbatan moddiy jihatdan kamroq ta’minlanib qoladigan bo‘lsa, shuningdek aliment to‘layotgan ota (ona) nogironligi bo‘lgan shaxs bo‘lib, moddiy jihatdan qiynalib kelayotgan bo‘lsa yoki aliment olayotgan shaxs mustaqil daromadga ega bo‘lgan taqdirda, aliment miqdori sud tomonidan kamaytirilishi mumkin.
❗️Shuni ham aytish kerakki, har bir bola uchun undiriladigan aliment miqdori qonunchilik bilan belgilangan mehnatga haq to‘lash eng kam miqdorining 26,5 foizidan kam bo‘lmasligi kerak (OK 99-m, 2-qism). Hurmatli fuqaro alimentni oldindan to‘lash haqida quyidagi post orqali batafsil javob olishingiz mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati