Malaka toifam umrbod saqlanib qolinadimi?
@Yurist_Xizmati 5169-savol:
Salom, men o‘qituvchiman 2022 yil bahorida malaka toifaga attestatsiyadan otib oliy malaka toifasini olganman. 29.06.2022.da sertifikat oldim.Amal qilish muddati 28.06.2027.gacha deb sertifikatga yozilgan.Hozirgi kuda ish stajim 27 yil.Oliy malaka toifam umrbotka qoldimi,qolsa sertifikatni umrbotlik qilib olish uchun qayerga murojat qilaman. Javob uchun oldindan rahmat.
YURIST JAVOBI:
Haqiqatdan ham sertifikatning amal qilish muddati 5 yilni tashkil etadi. Boshqacha aytganda umrbodlik sertifikat berilmaydi.
Vazirlar Mahkamasining 2021 yil 17 sentyabrdagi 572-son qaroriga 1-ilovada tasdiqlangan Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risidagi Nizom 4-bandiga ko‘ra pedagog kadrlar har besh yilda bir marta navbatdagi majburiy attestatsiyadan o‘tkaziladi.
☝️Aynan shu qoidaga ko‘ra sertifikatning amal qilish muddati 5 yilni tashkil etadi.
Xo‘sh unda umrbod toifasi saqlanadigan pedagoglar qanday qilib toifasi saqlaydi deyishingiz mumkin. Qarang! Nizomning 32-bandiga ko‘ra Mazkur Nizomning 8 — 10-bandlarida ko‘rsatilgan pedagog kadrlar har yili 1 yanvardan 31 dekabrga qadar to‘g‘ridan to‘g‘ri attestatsiyadan o‘tkazilmasdan malaka toifasi (lavozim) sertifikatini olish uchun bevosita davlat xizmatlari markazlari orqali yoki Yagona interaktiv davlat xizmatlari portali yoxud vakolatli vazirliklarning rasmiy veb-saytida ro‘yxatdan o‘tgan holda murojaat qiladilar.
♂️ Demak, siz ham 2025-yil 1-sentyabrgacha toifa olganingiz uchun (Chunki shu sanadan boshlab bunday tartib bekor qilinadi) sizning toifangiz saqlanadi.
✅ Bunda toifangiz muddati tugashiga yaqin vaqtda DXM orqali ariza berib amaldagi toifangizni tasdiqlovchi sertifikatni olishingiz mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati