Question

Turmush o‘rtog‘ini staji bilan pensiya miqdorini ko‘paytirish mumkinmi?

@Yurist_Xizmati 5128-savol:

Assalomu alaykum hurmatli yurist meni savolim quyidagicha men pensiyaga 25 yil ish staj bilan chiqqanman lekin pensiyam juda kam savolim  meni  pensiyam ko‘payishi uchun  turmush o‘rtog‘imni ish stajlari bilan pensiymga qo‘shimch ish staj qo‘shib  ko‘paytirsa bo‘ladimi chunki turmush o‘rtog‘im  20-30 yil ishlab endi pensiyaga chiqishiga bir yil qolganda vafot etdilar turmush o‘rtog‘imni oxirgi 15 yillik ish staji ichki ishlarga qarashli bo‘lib kunduzi kechqurunlari qorovullik voxirlik qilganlar lekin shuncha ishlab pensiyaga chiqolmay vafot etdilar

YURIST JAVOBI:

❗️Sizga faqat bitta pensiya tayinlanadi.

Fuqarolarning davlat pensiya ta’minoti to‘g‘risidagi 2-moddasida davlat pensiyalarining quyidagi turlari belgilanadi:
 yoshga doir pensiya;
 nogironlik pensiyasi;
 boquvchisini yo‘qotganlik pensiyasi.

Bunda qonunning 4-moddasiga binoan davlat pensiyalarining turli xillarini olish huquqiga ega bo‘lgan fuqarolarga ularning o‘zlari tanlagan bitta pensiya tayinlanadi.

✅ Shunga ko‘ra siz yo yoshga doir pensiyani yoki turmush o‘rtog‘ingiz vafot etgani uchun boquvchisini yo‘qotganlik pensiyasini olishingiz mumkin.

❕Bunda turmush o‘rtog‘ingizning ish stajini sizga o‘tkazib bo‘lmaydi. Shu sababli siz ikki pensiyadan birini tanlashingiz kerak.

✉️ Yuristga savol yuborish

 Yurist bilan qo‘ng‘iroq orqali bog‘lanish

Barcha turdagi hujjatlarga buyurtma berish
Rasmiy kanalimiz:
 @Yurist_Xizmati