Janjallashganda urgan odamga qanday chora ko‘llaniladi?
@Yurist_Xizmati 5515-savol:
Salomalaykum savolim shundan iborat bundan Besh oy oldin bir yigit bilan janjalashib koldik va shu danjalda bu yigitning burni Sindi va men barcha dori darmonlarini olib berdim lekin bu yigit meni Yana kurkitish yuliga utib seni prakraturaga yezib beraman deyabdi agar yezib bersa menga sora kuriladimi oradan Besh oy utsa xam
YURIST JAVOBI:
Siz u shaxsni urganligingizni isbotlovchi dalillar bilan isbotlansa javobgarlikka tortilasiz.
♂️ Masalan, siz bilan sodir bo‘lgan voqeada guvohlar bo‘lsa (janjalni ko‘rganlar), yoki janjaldan keyin ekspertiza o‘tkazilgan bo‘lib ekspertiza xulosasi bo‘lsa, u isbotlay olishi mumkin.
Agar siz sodir qilgan huquqbuzarlik (burun sindirish) o‘sha urgan yigit sog‘lig‘ining qisqa muddat yomonlashuviga yoki mehnat qobiliyatini uncha ko‘p davom etmaydigan turg‘un tarzda yo‘qotishga olib kelmagan bo‘lsa:
Ma’muriy javobgarlik kodeksining 52- modda 2-qismi bo‘yicha BHMning 2 baravaridan 4 baravarigacha miqdorda jarimaga sabab bo‘ladi. (Hozir BHM - 412 000 so‘m).
❗️Siz ta’kidlayotgan 5 oy o‘tsa ham deganingiz ma’muriy javobgarlik muddati o‘tib ketishiga asos bo‘lolmaydi. Chunki Ma’muriy javobgarlik kodeksining 36-moddasiga ko‘ra huquqbuzarlik sodir qilingan kundan boshlab 1 yillik muddatda chora qo‘llash mumkin.
Endi 2-variantni ko‘rib chiqamiz. Agar siz urib burnini sindirgan shaxsning sog‘lig‘i 6 kundan ortiq ammo yigirma bir kundan ko‘p bo‘lmagan muddatga yomonlashuviga yoki umumiy mehnat qobiliyatining uncha uzoq bo‘lmagan muddatga yo‘qotilishiga sabab bo‘lgan qasddan badanga yengil shikast yetkazish Jinoyat kodeksi 109-moddasi bo‘yicha bazaviy hisoblash miqdorining yigirma besh baravaridan ellik baravarigacha miqdorda jarima yoki ikki yilgacha axloq tuzatish ishlari yoxud bir yilgacha ozodlikni cheklash yoki bir yilgacha ozodlikdan mahrum qilish bilan jazolanadi.
Endi Jinoyat kodeksi bo‘yicha da’vo muddatining o‘tishi esa, Jinoyat kodeksi 64-moddasi bo‘yicha ijtimoiy xavfi katta bo‘lmagan jinoyat sodir etilgan kundan boshlab — ikki yil etib belgilangan. Demak, bunda ham hali muddat o‘tib ketmagan.
Bundan tashqari mazkur shaxs sizni sir saqlanishi lozim bo‘lgan axborotni oshkor qilish bilan qo‘rqitib mulkiy manfaat orttirmoqchi bo‘lganligi sababli Jinoyat kodeksi 165-moddasiga ko‘ra uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.
♂️ Demak, savolingizga javobimiz shuki dalillar mavjud bo‘lsa, har ikkala variant bo‘yicha ham muddat o‘tib ketmagan, sizga nisbatan chora ko‘rilishi mumkin. Sizga tavsiyamiz shuki, qanday yordam ko‘rsatgan bo‘lsangiz dalillarni (masalan cheklar) yig‘ib qo‘ying.
❗️Ammo shuni ham e’tiborga oling, siz janjallashgan shaxs ham tovlamachilik qilayotganligi uchun javobgarlikka tortilishi mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati