YTH sodir bo‘lib, bola urib yuborilganda, aybdorga qanday chora ko‘riladi?
@Yurist_Xizmati 5434-savol:
Savolim shunday:Xaydovchilik guvoxnomasiz avtomobil boshkarib,katta tezlikda 12yoshli bolani urib yuborayapti,bola omon kolgan lekin shu xaydovchiga konun buyicha kanday choralar bor,javob uchun oldindan raxmat
YURIST JAVOBI:
Jinoyat kodeksining 266-moddasiga ko‘ra transport vositasini boshqaruvchi shaxs tomonidan transport vositalari harakati yoki ulardan foydalanish xavfsizligi qoidalarini buzish badanga o‘rtacha og‘ir yoki og‘ir shikast yetkazilishiga sabab bo‘lsa:
— uch yilgacha muayyan huquqdan mahrum qilib, bazaviy hisoblash miqdorining ellik baravarigacha miqdorda jarima yoki uch yilgacha ozodlikni cheklash yoxud uch yilgacha ozodlikdan mahrum qilish bilan jazolanadi. Shunday ekan o‘sha shaxsga nisbatan yuqoridagi jazo choralaridan biri qo‘llaniladi.
❗️Shuningdek, u bolaga yetkazilgan zararni ham to‘liq qoplaydi.
Fuqarolik kodeksining 999-moddasi birinchi qismiga muvofiq faoliyati tevarak-atrofdagilarga oshiqcha xavf tug‘diradigan yuridik shaxslar va fuqarolar (transport tashkilotlari, sanoat korxonalari, qurilishlar, transport vositalarining egalari va boshqalar) oshiqcha xavf manbai yetkazgan zararni, agar zarar bartaraf qilib bo‘lmaydigan kuch yoki jabrlanuvchining qasddan qilgan harakati oqibatida yuzaga kelganini isbotlay olmasalar, to‘lashlari shart.
Aynan shu qoidaga ko‘ra transport vositasi oshiqcha xavf manbai sanaladi. Bunda zararni to‘lash majburiyati oshiqcha xavf manbaiga mulk huquqi, operativ boshqaruv huquqi yoxud boshqa har qanday qonuniy asosda (mulkiy ijara shartnomasi, transport vositasini boshqarish huquqini beradigan ishonchnoma, tegishli organning unga ortiqcha xavf manbaini topshirish to‘g‘risidagi farmoyishiga ko‘ra va hokazo) egalik qiluvchi yuridik shaxs yoki fuqaroga yuklanadi.
✅ Yuqoridagi normaga ko‘ra bolani urib yuborgan shaxsga yetkazilgan zararni to‘liq qoplash majburiyati ham yuklanishi mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati