“Kelajakuz”dagi 20%–80% haqiqatmi?
@Yurist_Xizmati 5524-savol:
Assalomu aleykum hozirgi kunda, ijtimoiy restrda turgan ayrim oquvchilar"Kelajakuz"platformasi orqali to‘garaklarga jalb qilingan,ota- ona 20 foizini to‘lashi kk deyilgan,80 foizi davlat tomonidan qoplanadi deyilgan,qay holatda nechchi foizi maktab hisobida,qancha foizi o‘qituvchiga berilishi haqida va qaysi qonuniy hujjat orqali taqsimlanishi,kim haqiqiy javobgar ekanligi haqida ma’lumot bersangiz.
YURIST JAVOBI:
O‘zbekiston Respublikasi Vazirlar Mahkamasining 2025-yil 10-dekabrdagi 776-son qarori hamda unga ilova qilingan Nizomga muvofiq, “Kelajak” markazlarida to‘lovlar, ularning miqdori va mablag‘larning taqsimlanish tartibi aniq belgilab qo‘yilgan.
1. Amaldagi tartibga ko‘ra, ota-onalar tomonidan to‘lanadigan summa qat’iy 20% emas, balki hududga qarab bazaviy hisoblash miqdoriga nisbatan belgilanadi:
• 2026-yil 1-yanvardan:
o Toshkent shahrida — 30%
o Viloyat markazlarida — 25%
o Boshqa hududlarda — 15% yoki 10%
Shu sababli, “20% ota-ona, 80% davlat” degan qoida umumiy normativ sifatida belgilanmagan, balki amaliyotda noto‘g‘ri talqin qilinayotgan bo‘lishi mumkin.
____
2. Nizomning 11-bandiga ko‘ra:
• Ijtimoiy reyestrga kiritilgan oilalar farzandlari (15% kvota doirasida) ota-onalar to‘lovidan to‘liq ozod etiladi.
Demak, bunday o‘quvchilar uchun 20% to‘lov ham qo‘llanilmasligi kerak (agar ular kvota doirasida bo‘lsa).
____
3. Nizomning 12-bandiga muvofiq ota-onalar to‘lovidan tushgan mablag‘lar quyidagicha taqsimlanadi:
• 10% — “Kelajak” markazlarini qo‘llab-quvvatlash jamg‘armasiga;
• 40% — umumiy o‘rta ta’lim tashkilotining budjetdan tashqari jamg‘armasiga (maktab fondiga);
• Qolgan qismi:
o Markaz faoliyati (jihozlar, ta’mir, materiallar);
o Madaniy tadbirlar;
o Eng muhim jihati — xodimlarni moddiy rag‘batlantirish (ustama, mukofot, yordam) uchun yo‘naltiriladi.
Normativda aniq foizda “o‘qituvchiga beriladi” degan taqsimot belgilab qo‘yilmagan. O‘qituvchilarga to‘lov:
• umumiy mablag‘lar hisobidan,
• rag‘batlantirish shaklida,
• Markaz rahbari qarori asosida amalga oshiriladi.
____
4. Nizomning 13-bandiga ko‘ra, Markaz direktori mablag‘larni yo‘naltirish bo‘yicha vakolatli shaxs hisoblanadi.
• 14–16-bandlarga muvofiq:
o Nazorat — Davlat moliyaviy nazorat inspeksiyasi va vazirlik ichki auditi tomonidan amalga oshiriladi;
o Qonun buzilsa — aybdor shaxslar belgilangan tartibda javobgar bo‘ladi.
____
5. “20% ota-ona – 80% davlat” degan qat’iy norma mavjud emas;
• Ijtimoiy reyestrdagi bolalar (kvota doirasida) to‘lovdan ozod etiladi;
• Mablag‘lar:
o 10% — jamg‘arma,
o 40% — maktab fondi,
o qolgan qismi — markaz ehtiyojlari va xodimlarni rag‘batlantirishga yo‘naltiriladi;
❗️O‘qituvchiga beriladigan ulush qat’iy foiz bilan belgilanmagan.
✉️ Yuristga savol yuborish
Rasmiy kanalimiz
@Yurist_Xizmati