Farzandlikka olishda sobiq turmush o‘rtog‘ining roziligi qanday olinadi?
@Yurist_Xizmati 4568-savol:
Assalomu alaykum ayolimni birnchi turmushi bn ZAGS si kesilmagan men bn shariy nikoxda yashemiz yaqinda farzandli bo‘ldik bolani tug‘uruxonadan olib chiqishda meni nomimga metirka bermayaapti. Ayolimni birnchi turmushi O‘zbekistondan Rosiiyaga ko‘chib ketkan. Topishni iloji yo‘q. Farzandimga boshqani nomiga metirka olnib qolyaapti nima qilish kk
YURIST JAVOBI:
❗️Bu vaziyatda o‘sha odam rozilik bermaguncha farzandingizni nomingizga ololmaysiz.
Amaldagi qonunchilik bo‘yicha buning ikki usuli mavjud:
1️⃣ Birinchisida, o‘sha odamni bedarak yo‘qolgan deb topish va shundan keyin farzandingizga otalikni belgilash mumkin.
Fuqarolik kodeksining 33-moddasiga binoan agar fuqaroning qayerdaligi haqida uning yashash joyida bir yil davomida ma’lumotlar bo‘lmasa, manfaatdor shaxslarning arizasiga muvofiq sud bu fuqaroni bedarak yo‘qolgan deb topishi mumkin.
☝️Mana shu qoidaga ko‘ra turmush o‘rtog‘ingiz sobiq erini bedarak yo‘qolgan deb topish bo‘yicha fuqarolik sudiga ariza berishi mumkin. Agar o‘sha odam haqiqatda yuqoridagi qoida mezonlariga mos kelsa, sud uni bedarak yo‘qolgan deb topishi mumkin.
Shundan so‘ng turmush o‘rtog‘ingiz va siz otalikni belgilash bo‘yicha ariza berishingiz lozim. Bunda Oila kodeksining 62-moddasiga binoan o‘zaro nikohda bo‘lmagan ota-onadan bola tug‘ilgan taqdirda, ota-onaning birgalikdagi arizasiga asosan otalik sud tartibida belgilanishi mumkin.
2️⃣ Ikkinchi yo‘li o‘sha odam bilan ma’lumot almashish imkoni bo‘lsa, undan Rossiya Fedratsiyasidagi notarius orqali bolani farzandlikka olishga noratial tasdiqlangan rozilik arizasini yuborishi lozim. Qarang! Oila kodeksining 159-moddasiga muvofiq bolani farzandlikka olish uchun farzandlikka olinayotgan bola ota-onasining roziligi talab etiladi.
♂️ Bunda ota-ona bolaning muayyan bir shaxs (shaxslar) tomonidan farzandlikka olinishiga rozilik berishlari yoki farzandlikka berishga rozilik bildirib, farzandlikka oluvchilarni tanlash ixtiyorini vasiylik va homiylik organiga havola qilishlari mumkin.
Fuqarolik, oilaviy va jinoiy ishlar bo‘yicha huquqiy yordam va huquqiy munosabatlar to‘g‘risidagi Konvensiyaga muvofiq Rossiya federatsiyasining notarial idoralari tomonidan berilgan hujjatlar O‘zbekistonda hech bir qo‘shimcha harakatlarsiz to‘g‘ridan to‘g‘ri amal qiladi.
✅ Shundan so‘ng ushbu ariza ilova qilinib, fuqarolik sudiga farzandlikka olish haqida da’vo arizasini berish talab etiladi