Onlayn dars o‘tmoqchiman, litsenziya talab etiladimi?
@Yurist_Xizmati 5112-savol:
ASSALOMU ALAYKUM. MЕN ChЕT TILIDAN ONLAYN DARS UTMOKCHIMAN KANDAY XUJJATLAR TALAB KILINADI VA LITSЕNZIYA TADABLARI KANDAY BULADI
YURIST JAVOBI:
♂️ Litsenziya talab etilmaydi.
✅ Siz o‘zini-o‘zi band qilgan shaxs sifatida ro‘yxatdan o‘tib, so‘ng onlayn repititorlik qilishingiz mumkin.
Qarang! O‘zbekiston Respublikasining 08.06.2020 – yildagi “Tadbirkorlik faoliyati va o‘zini o‘zi band qilishni davlat tomonidan tartibga solishni soddalashtirish chora-tadbirlari to‘g‘risida”gi 4742 – son qarori 1 – ilovasida o‘zini o‘zi band qilganlik yuzasidan ro‘yxatdan o‘tish mumkin bo‘lgan mashg‘ulotlar ro‘yxati keltirilgan unga ko‘ra:
Uyda yoki davlat ta’lim muassasalarining foydalanilmayotgan bino va inshootlari xonalarida repetitorlik qilish — bolalar va kattalar bilan ta’lim fanlari bo‘yicha yakka tartibda hamda guruh bo‘lib mashg‘ulotlar o‘tkazish.
Vazirlar Mahkamasining 2020 yil 23 dekabrdagi 806-son qaroriga 1-ilova bilan tasdiqlangan “O‘zini o‘zi band qilgan shaxs sifatida faoliyatni amalga oshirish tartibi to‘g‘risida”gi nizom 16-bandiga ko‘ra o‘zini o‘zi band qilgan shaxslar tomonidan mehnat staji hisoblanishi uchun qonun hujjatlarida belgilangan miqdorda ijtimoiy soliq to‘lanadi. O‘zini o‘zi band qilgan shaxslar o‘ziga pensiya hisoblanishi va ish stajiga ega bo‘lishi uchun Pensiya jamg‘armasiga ixtiyoriy ravishda ijtimoiy soliq to‘lashi mumkin.
♂️ Demak, siz ham ish staji kerak bo‘lsagina yilda bir marta BXM 1 baravari miqdorida ijtimoiy soliq to‘laysiz xolos.
⚠️ Asosiysi Soliq kodeksining 369-moddasiga muvofiq o‘zini o‘zi band qilgan shaxslar jismoniy shaxslardan olinadigan daromad solig‘idan ozod etiladi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati