Sinf rahbari o‘quvchilarni ekskursiyaga olib borishi mumkinmi?
@Yurist_Xizmati 5081-savol:
Assalomu alaykum ,savolim bor edi. Men sinf rahbariman. O‘quvchilarimni yil davomida yaxshi o‘qisa,davomat 100 bo‘lsa,barcha tadbirlarda faol qatnashsa, fanlardan a'lo baho olsangiz ekskursiyaga olib boraman deb va'da qilgandim.endi o‘quv yili yakunigacha olib borishim kerak,ular ota-onalaridan ustozi bilan borishi uchun rozilik tilxati ham olib kelishgan.Ularni olib borsam menga jazo yo‘qmi,o‘quvchilarimgachi? dam olish kunida borishni rejalashtirganmiz.Milliy gvardiya ,ma'naviyatchi ,direktordan qanday javob olsak bo‘ladi.
YURIST JAVOBI:
Vazirlar Mahkamasining 2003-yil 4-noyabrdagi 482-son qaroriga 2-ilovada tasdiqlangan O‘zbekiston Respublikasida avtobuslarda yo‘lovchilar tashish xavfsizligini ta’minlashga doir Talablari 40-bandiga ko‘ra:
➡️ ta’lim muassasasi ma’muriyati (tashkilotchi) tashuvchi bilan shartnoma tuzilganidan keyin jo‘nab ketish sanasigacha uch ish kunidan kechikmay harakatlanish sanasi va qatnov yo‘lini, shuningdek, barcha yo‘lovchilar ro‘yxatini, avtobuslar to‘g‘risidagi (mansubliligi, markasi, davlat ro‘yxatdan o‘tkazish raqami belgisi) to‘g‘risidagi ma’lumotlarni ko‘rsatgan holda hamrohlikni tashkil etish uchun buyurtmanomani O‘zbekiston Respublikasi Ichki ishlar vazirligining Yo‘l harakati xavfsizligi davlat xizmatiga kiritadi.
☝️Mana shu qoidaga ko‘ra maktab rahbariyati bolalarni ekskursiyaga (sayohatga) olib borishdan oldin yuqoridagi harakatni amalga oshirishi kerak bo‘ladi.
Bunda O‘zbekiston Respublikasi Ichki ishlar vazirligining Yo‘l harakati xavfsizligi davlat xizmati tomonidan boriladigan qatnov yo‘lida ob-havo yoki yo‘l sharoitlarining nomuvofiqligi, shu jumladan, borish punktiga harakatlanishda cheklanishlar mavjudligi, shuningdek, transport vositalari va haydovchilar malakasining yo‘l harakati xavfsizligi talablariga nomuvofiqligi holatlarida hamrohlik qilish rad etilishi haqida qaror qabul qilinishi mumkin.
♂️ DYXX ijobiy xulosa bergan taqdirda alohida kuzatuvchi ajratadi. Shundan so‘ng bolalarni ekskursiyaga olib borish mumkin bo‘ladi.
✅ Shuni aytish kerakki, maktab o‘quvchilarini faqat darsdan tashqari vaqtdagina sayohatlarga olib borishga ruxsat beriladi.
❗️Chunki Maktabgacha va maktab ta’limi vazirining 2023-yil 20 - dekabrdagi 565-sonli buyrug‘iga 37-ilovada tasdiqlangan Umumiy o‘rta ta’lim muassasalari (ayrim fanlar chuqur o‘rganiladigan ixtisoslashtirilgan muassasalar) xodimlarining lavozim majburiyatlariga asosan maktab direktori, ularning o‘rinbosarlari hamda o‘qituvchilarning asosiy vazifasi maktabda darslarni o‘z vaqtida va sifatli tashkil etish sanaladi.
telegram kanal - yurist xizmati