Aliment puli olish uchun qanday yo‘l tutay?
@Yurist_Xizmati 5082-savol:
10 yoshli kizim bor, ajrashmokchiman, sababi doimiy ichib yuradi. Lekin erim ajrashmayman deydi, otamni uylariga yashayabman, aliment puli olish uchun kimga murojaat kilishim kerak, kayerga borishim kerak
YURIST JAVOBI:
Ajrashish oson masala emas. Uning huquqiy mehanizmlari mavjud. Birinchi navbatda fuqarolik sudiga nikohdan ajratish haqida da’vo arizasi bilan murojaat qilish lozim.
Oila kodeksi 37-moddasi ikkinchi qismiga muvofiq nikoh er-xotindan biri yoki har ikkalasining arizasiga muvofiq nikohdan ajratish yo‘li bilan, shuningdek sud tomonidan muomalaga layoqatsiz deb topilgan er yoki xotinning vasiysi bergan arizaga muvofiq tugatilishi mumkin.
Bunda Davlat boji to‘g‘risidagi qonunga muvofiq BHMning 2 baravari miqdorida davlat boji to‘lanadi. Davlat boji sudga kim tomonidan da’vo qilinsa, shu tarafdan undiriladi. Soddaroq aytganda, agar ajrashish uchun da’vo qilganda, davlat boji to‘lash kerak.
Endi qarang! Oila kodeksi 40-moddasi hamda Oliy sudi Plenumining 2011 yil 20 iyuldagi 06-sonli «Sudlar tomonidan nikohdan ajratishga oid ishlar bo‘yicha qonunchilikni qo‘llash amaliyoti to‘g‘risida»gi qaroriga muvofiq er-xotinga yarashish uchun olti oygacha muhlat tayinlashga haqli.
Bunda shuni e’tiborga olish lozimki, Oila kodeksining 218-moddasi talablarini inobatga olgan holda yarashish uchun beriladigan muhlat uch oydan kam bo‘lishi samarasiz hisoblanadi. Shunga ko‘ra sizlardagi vaziyatda qizingiz va kuyovingizga yarashish uchun 3 oydan 6 oygacha muhmat berishi mumkin.
Bu muddat tugagandan so‘ng sud ishni ko‘rib chiqishi lozim. Bunda ishni mazmunan ko‘rib hal qilishi, ya’ni nikohni bekor qilishi yoki arizani rad qilishi mumkin.
Oila kodeksi 41-moddasi hamda Oliy sudi Plenumining 2011 yil 20 iyuldagi 06-sonli qarorining 16-bandlariga tayangan holda nikohdan ajratish to‘g‘risidagi talab, faqat, er-xotin bundan buyon birga hayot kechirishlarining va oila batamom buzilganligi sababli uni saqlab qolishning iloji yo‘qligi aniqlangan holdagina qanoatlantirilishi lozim.
❗️Shunday ekan, agar sud oilaning keyinchalik birga yashab ketish imkoni yo‘q deb topsagina, nikohni bekor qilishi mumkin. Sizdagi holatda bir tomon qarshi bo‘lgan taqdirda ham sud nikohni saqlab qolish uchun imkon yo‘q deb topsa, nikoh bekor bo‘ladi. Yoki uning aksi bo‘lishi ham mumkin.
♂️ Shunga ko‘ra sizdagi vaziyatda ham sud baribir kamida 3 oy yarashish uchun muddat beradi. Oila kodeksining 96-moddasida har bir ota-ona o‘zining voyaga yetmagan farzandi uchun aliment to‘lashi shart ekanligi belgilangan.
♂️Mana shu qoidalarga ko‘ra ota aliment to‘lashdan bosh torta olmaydi. Bolaning manfaatlari uchun ota-onadan aliment undirishda ularning ish joyiga egaligi ahamiyatga ega emas.
Oila kodeksining 99-moddasiga binoan aliment to‘lovi agarda ota ona o‘rtasida alohida kelishuv mavjud bo‘lmasa sud tomonidan bolalar soniga qarab belgilanadi. Ular quyidagicha:
➖ ota-onaning har oydagi ish haqi va (yoki) boshqa daromadining:
♂️bir bola uchun — to‘rtdan bir qismi;
ikki bola uchun — uchdan bir qismi;
uch va undan ortiq bola uchun — yarmisi miqdorida undiriladi.
Bunda har bir bola uchun undiriladigan aliment miqdori qonunchilik bilan belgilangan mehnatga haq to‘lash eng kam miqdorining 26,5 foizidan kam bo‘lmasligi kerak.
✅ Aliment undirish uchun ham fuqarolik sudiga murojaat qilishingiz lozim.
telegram kanal - yurist xizmati