MЕNGA UYIMDAN ANCHA UZOQ JOYDAN ISH TAKLIF QILISHMOQDA..
⚡️ SAVOL:
Men mutahassisligim bo‘yicha ishga kirish uchun mehnat organiga murojaat qilgan edim. Ular menga uyimdan ancha uzoqda bo‘lgan joydan ish taklif qilishmoqda. Men ular aytgan joyga ishga kirsam har kuni u yerga borishni o‘ziga uchta transportga chiqishim kerak bo‘ladi. Ya’ni, borishda uchta, kelishda yana uchta mashinaga chiqib qatnashim kerak. Agar men o‘sha taklif qilingan ishga kirmasam ular meni ishni rad etdi deb xujjat rasmiylashtirib qo‘yar ekan. Shu adolatdanmi ?
⚡️ JAVOB:
Biryo‘la Xitoydan taklif qilib qo‘yaqolmaptida ishni. Har-bir tashkilotning eski kasalligi bo‘ladi. Sizda kuzatilgan holat bu o‘sha tashkilotning eski kasalliklaridan biri. Lekin yo‘q, ular ishni bunday shaklda tashkil qilishga haqli emas. Chunki bu yerda maqbul keladigan ish degan masala xam bor! Ya’ni, ular Sizga qulay bo‘lgan joydan ish taklif qilishi kerak.
❗️Maqbul keladigan ish nima?
20.10.2020 yildagi O‘RQ-642-son qonunga ko‘ra, maqbul keladigan ish — fuqaro bajarishga qodir bo‘lgan, fuqaroning olgan ma’lumoti yo‘nalishi va ixtisosligiga, malakasiga, kasbiy tayyorgarligiga, ish tajribasiga, sog‘lig‘ining holatiga ko‘ra mos keladigan, yashash joyini o‘zgartirishini nazarda tutmaydigan, uning doimiy yashash joyidan unchalik uzoq bo‘lmagan hamda mehnatga haq to‘lashning belgilangan eng kam miqdoridan kam bo‘lmagan ish haqini kafolatlaydigan ish hisoblanadi.
✏️ Mehnat organi Sizga anashunday maqbul keladigan ish taklif qilishi kerak. Ular taklif qilgan ish uyingizga yaqin bo‘lsa, sog‘ligingizga to‘g‘ri kelsa va oyligi yaxshi bo‘lsa-yu lekin, Siz u ishni rad etsangiz shundan keyin ular ishni rad etdi deb xujjat rasmiylashtirib qo‘yishi qonuniy bo‘ladi, adolatdan bo‘ladi.