MЕNGA BOLALAR NAFAQASI TO‘LOVI O‘Z-O‘ZIDAN TO‘XTAB QOLDI
⚡️SAVOL:
Men ikki nafar farzandimga bolalar nafaqasi olib kelayotgan edim. O‘tgan oyda ushbu to‘lov o‘z-o‘zidan to‘xtab qoldi. Shunday bo‘lishi mumkinmi ?
⚡️JAVOB:
Hukumatning 654-son qarori bilan tasdiqlangan nizomga kiritilgan oxirgi o‘zgarishga ko‘ra,
➖ hozirgi kunda bolalar nafaqasi va moddiy yordam oluvchi oilaning iqtisodiy ahvoli o‘zgarishi belgilangan tayinlash muddati yakuniga kadar har oyda to‘lov ro‘yxatlari shakllantirilgunga qadar qayta ariza talab etmagan holda manfaatdor vazirliklar va idoralarning axborot tizimlaridan elektron shaklda olingan ma’lumotlarga muvofiq avtomatik tarzda «Yagona reyestr» AT orqali qayta o‘rganilmoqda
❗️Qayta o‘rganishda bolalar nafaqasi va moddiy yordam oluvchi oilaning iqtisodiy holatida ushbu nafaqalarni olish uchun to‘sqinlik qiladigan holatlar aniqlangan taqdirda keyingi to‘lov ro‘yxatlarini shakllantirishda bolalar nafaqasi va moddiy yordam to‘lovi to‘xtatilmoqda.
✏️ Oldinlari bunday tartib yo‘q edi. Ya’ni, bolalar nafaqasi yoki moddiy yordam pullari oilaga bir marta tayinlansa shu bilan o‘sha tayinlangan muddat tugamaguncha hech kim nima, qachon, qancha, nahotki deb savol bermas edi. Bir marta tayinlangan muddat oralig‘ida Sizni iqtisodiy holatingiz o‘zgargan taqdirda xam ya’ni, ishlamayotgan shaxs ishga kirganida, ishlab kelayotgan shaxs ishdan bo‘shaganida, oilaning daromadi belgilangan mezondan oshib ketganida, xullaski, oilaning iqtisodiy holati bolalar nafaqasi yoki moddiy yordam olish uchun to‘g‘ri kelmay qolganida xam tayinlangan muddat tugamaguncha Siz ushbu nafaqa pullarini olishingiz mumkin edi. Endilikda esa yo‘q, Sizga bir muddatga ushbu nafaqa pullari tayinlansa o‘sha muddat tugaguncha har oyda iqtisodiy holatingiz elektron baza orqali o‘rganib boriladi. O‘rganishda nimadir chiqib qolsa nafaqa "otmen". Sizda nimadir chiqib qolgan bo‘lsa kerak.