YPX hodimlari yo‘l chetida to‘xtab turgan mashinada MASTlik tekshiruvi o‘tkazishga haqlimi?
@Yurist_Xizmati 4535-savol:
Assalomu aleykum xukukiy maslaxatingiz kerak edi. Savolim shundan iboratki! Yo‘l chetida turgan mashinani ichiga yotgan odamni IIB xodimlari spirtli ichimlik ichganligini bilib mas o‘tkazgan shu to‘g‘rimi? Iloji bo‘lsa tezroq javob bersalaringiz yaxshi bo‘lardi?
YURIST JAVOBI:
Vazirlar Mahkamasining 2018-yil 1-dekabrdagi 975-son qaroriga ilovada tasdiqlangan Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanishi tartibi to‘g‘risidagi Nizom 6-bandiga ko‘ra YPX xodimi tomonidan transport vositalarini to‘xtatilish asoslari belgilangan.
Unga ko‘ra transport vositalari quyidagi asoslarga ko‘ra to‘xtatilishi mumkin:
haydovchi tomonidan yo‘l harakati qoidalarining (keyingi o‘rinlarda qoidalar deb ataladi) buzilishi vizual kuzatuvda aniqlanganda yoki maxsus moslama yordamida qayd qilinganda;
transport vositasi, haydovchi yoki yo‘lovchi qidiruvda ekanligi, yo‘l transport hodisasi yoki boshqa huquqbuzarlikka aloqador ekanligi to‘g‘risida ma’lumotlar mavjud bo‘lganda;
yo‘l transport hodisasi, huquqbuzarlik sodir etilganini ko‘rgan haydovchi yoki yo‘lovchidan hodisa tafsilotiga oydinlik kiritish zarurati yuzaga kelganda;
• vakolatli davlat organlari yoki mansabdor shaxslarning harakatni cheklash yoki taqiqlash bo‘yicha ko‘rsatmalarini bajarish jarayonida;
transport vositasidan qonun hujjatlarida belgilangan tartibda foydalanish zarurati yuzaga kelganda (chet davlatlarning diplomatik, konsullik vakolatxonalariga va boshqa vakolatxonalariga, xalqaro tashkilotlarga tegishli bo‘lgan transport vositalari hamda maxsus mo‘ljallangan transport vositalari bundan mustasno);
maxsus tadbirlarni o‘tkazish jarayonida;
transport vositasidan foydalanish va boshqarish huquqini beruvchi, shuningdek, transport vositasi va olib ketilayotgan yuklarga oid hujjatlar mavjudligini tekshirish uchun (maxsus va harbiy yuklar, bojxona rasmiylashtiruvidan o‘tkazilib, bojxona xizmat tomonidan plombalangan yuklar bundan mustasno).
YPX xodimi tomonidan boshqa asoslarga ko‘ra transport vositalarining to‘xtatilishi taqiqlanadi.
❌ Shunday ekan YPX xodimi to‘xtab turgan transport vositasini tekshirishi huquqiy asosga ega emas.
Nizomning 36-1-bandiga ko‘ra transport vositalari haydovchilarining alkogolli ichimliklar ta’siridan mast holda ekanligini va giyohvandlik vositalari yoki psixotrop moddalar iste’mol qilganligini aniqlash YPX xodimi tomonidan maxsus moslama (alkotester, narkotester) yordamida qoidabuzarlik yuz bergan joyning o‘zida amalga oshirilishi mumkin.
♂️ Bunda tekshiruv kamida ikki nafar xolis ishtirokida amalga oshiriladi, YPX xodimi tomonidan kuzatuv kamerasi (body camera)dan foydalangan holda amalga oshiriladigan tekshiruvlar bundan mustasno. Kuzatuv kamerasi (body camera)dan foydalangan holda amalga oshirilgan tekshiruv jarayoni aks etgan videotasvir ish materiallariga ilova qilinishi lozim.
❗️Shunga ko‘ra siz bu vaziyatda yuqori turuvchi IIOga murojaat qilishingiz lozim