Qarz berayotganlarga maslahat!
❓Puliga kuyib qolmaslik uchun qarz berishda nimalarga e’tibor berish kerak?
@Yurist_Xizmati 5036-savol:
Asalomu alaykum. Men uz tanishimga surab turgani uchun karz bermakchi edim. U natorius orkali tilxat beraman va garovga uz mchj dagi yer maydonidan 2025 yil olinajak xosilni garovga kuyib 1 noyabr 2025 y kaytaraman demokda. Men shunga ishonsam sung pulimni kayta ola olalanmi va boshka kanday yullari bor summa 250 mln. Belgilangan mudadda kaytara olmasa kanday yul tutaman.
YURIST JAVOBI:
Qarz shartnomasi 733-moddasiga ko‘ra fuqarolar o‘rtasida qarz shartnomasi, agar bu qarzning summasi bazaviy hisoblash miqdorining o‘n baravaridan ortiq bo‘lsa, oddiy yozma shaklda tuzilishi shart, shartnomadagi taraflardan biri yuridik shaxs bo‘lganida esa summasidan qat’i nazar, yozma shaklda tuzilishi shart.
Shunga ko‘ra sizdagi holatda qarz shartnomasi yozma shaklda tuzilsa, unda bu shartnoma qonuniy hisoblanadi.
➡️Endi garovga kelsak. Bu ham alohida shartnoma sifatida yozma shaklda rasmiylashtirilishi kerak. Chunki 270-moddaga ko‘ra garov to‘g‘risidagi shartnoma yozma shaklda tuzilishi kerak.
✅ Demak, siz ham bu holatda ikki shartnomani yozma shaklda tuzib, uni notarial tasdiqlatib qo‘ysangiz, keyinchalik bu o‘sha odam qarzni qaytarmaganda, undiruvni garovga qaratishingiz mumkin.