ISHXONAMIZ QOROVULI SO‘KONG‘ICH ODAM..
⚡️ SAVOL:
Bizni ishxonamizda bitta yoshi ancha katta qorovulimiz bor. O‘sha qorovul doim bir-nimalar deb o‘ziga-o‘zi so‘kinib yuradi. Har-safar yonidan o‘tib ketayotganimda ming xijolat tortaman. Chunki u sekin ovozda xam emas, bemalol eshitiladigan qilib so‘kinadi. Savolim shundayki, o‘sha qorovulimiz nima uchun so‘kinadi va kimgadir emas, o‘ziga-o‘zi so‘kingan odamlarga xam javobgarlik bormi qonunda ?
⚡️ JAVOB:
Har-bir fuqaro o‘ziga-o‘zi istalgancha so‘kinishi mumkin, lekin jamoat joylarida emas!
Ma’muriy javobgarlik to‘g‘risidagi kodeksning 183-moddasiga ko‘ra, jamoat joylarida uyatli so‘zlar bilan so‘kinish — bazaviy hisoblash miqdorining uch baravaridan besh baravarigacha miqdorda jarima solishga yoki o‘n besh sutkagacha muddatga ma’muriy qamoqqa olishga sabab bo‘ladi. Jamoat joyida o‘ziga-o‘zi so‘kingan shaxslar, shu jumladan o‘sha qorovul xam aynan manashu modda bo‘yicha javobgarlikka tortilishi mumkin.
✏️ Biz qaysi huquqbuzarlik uchun qonunchilikda qanaqa javobgarlik belgilanganini ko‘rsatib berishimiz mumkin xolos. Huquqbuzar nima uchun huquqbuzarlik qilayotganini, masalan Siz aytayotgan qorovul savolingizda so‘raganingizdek NIMA UCHUN SO‘KINISHINI yoki kimga so‘kinayotganligini, u so‘kinishni qayerdan o‘rganganligi va ikki ming nechanchi yildan beri o‘zi mustaqil ravishda so‘kinishni boshlaganini xamda so‘kinish bo‘yicha necha yillik tajribaga ega va bunday ko‘rsatkich bilan u dunyoda nechanchi o‘rinda turishini biz bilmaymiz. Jamiyatimizda har-xil odamlar bor. Kim nima uchun o‘ziga-o‘zi so‘kinishini biz bilolmaymiz. Balki o‘sha qorovullaringizni biron joyi og‘riyotgandir. Shuning uchun hech-kim yo‘qligida o‘zingiz oldiga borib, "Xa otam, nimao‘lyapti sizga, bormi og‘riq" dengchi nima derkan...