Bog‘chalarda tarbiyachi lavozimiga qanday talablar qo‘yilgan?
@Yurist_Xizmati 4670-savol:
Men Yunus Rajabiy nomidagi Toshkent davlat pedogogika kollejini tamomlaganman Boshlang‘ich ta'lim yo‘nalishini tamomlaganman. Hozirda TMCi institutida 3 kurs Sirtqi Maktabgacha ta'lim yo‘nalishida o‘qiyapman. Men bog‘chada tarbiyachi bo‘lib ishlasamam bo‘ladimi o‘rta maxsus tarbiyachini oyligini olgan holda ishlashim mumkinmi?
YURIST JAVOBI:
Maktabgacha ta’lim vazirining 2021 yil 30 dekabrdagi 255-sonli “O‘zbekiston Respublikasi Maktabgacha ta’lim tizimi xodimlari asosiy lavozimlarining malaka tavsiflarini tasdiqlash to‘g‘risida”gi buyrug‘iga muvofiq maktabgacha ta’lim tashkiloti tarbiyachisi lavozimining malaka talablari belgilangan bo‘lib, unga ko‘ra:
➖ maktabgacha ta’lim yo‘nalishi bo‘yicha kamida o‘rta maxsus pedagogik ma’lumot;
➖ boshqa yo‘nalish bo‘yicha o‘rta maxsus ma’lumotlilar maktabgacha ta’lim yo‘nalishidagi kasbiy qayta tayyorlov kursini o‘tagan bo‘lishi lozim;
➖ amaliy ish staji talab qilinmaydi.
☝️Mana shu qoidaga muvofiq tarbiyachi lavozimi uchun o‘rta maxsus ma’lumot talabi qo‘yilgan.
Endi qarang! Vazirlar Mahkamasining 2018-yil 5-yanvardagi 10-son qaroriga 1-ilovada tasdiqlangan Nizomga ilova 3-bandiga asosan til o‘qituvchilari, o‘qituvchi-defektolog, o‘qituvchi-logoped, psixologlar, oliy ma’lumotli tayyorgarlik (5 yoshdan 6-7 yoshgacha) guruhi tarbiyachilari lavozimiga oliy ta’lim muassasalarining pedagogika yo‘nalishlarida kunduzgi, kechki, sirtqi bo‘limlarning 3-4-kurslarida o‘qiyotgan shaxslar ishga qabul qilinishi mumkinligi belgilangan.
✅ Shunga ko‘ra 3-kurs talabasi sifatida MMTda tarbiyachi lavozimida ishlashingiz mumkin. bunda sizga o‘rta maxsus ma’lumotli xodimlar toifasida haq to‘lanadi.