Bog‘chalarda oylikdan majburiy badal ushlab qolinishi to‘g‘rimi?
@Yurist_Xizmati 4723-savol:
Assalom men DMTT da ishlayman. Bizga istemolchilar xukuklaridan vakil kelib " uz xoxishimiz bilan 0,8 foiz oylik maoshimizdan tutishingizni surayman" degan ariza yezdirib olyabdi. Bu majburiymi, bunga xaklari bormi, uzi maoshimiz oz bulsa. Javob uchun raxmat
YURIST JAVOBI:
Vazirlar Mahkamasining 2002-yil 28-noyabrdagi 414-son qaroriga 5-ilovasiga muvofiq, “Iste’molchilar huquqlarini himoya qilish jamiyatlari federatsiyasi huzuridagi Iste’molchilar huquqlarini himoya qilish ijtimoiy harakatini rivojlantirishni qo‘llab-quvvatlash jamg‘armasi to‘g‘risida” Nizom qabul qilingan.
Ushbu nizomning 6-bandiga muvofiq, Jamg‘arma xalqaro tashkilotlarning, O‘zbekiston Respublikasining ham rezidentlari, ham norezidentlari bo‘lgan yuridik va jismoniy shaxslarning homiylik hayriyalari, qonunchilikda taqiqlanmagan boshqa manbalar hisobiga shakllantirilishi belgilangan.
Shuningdek, ushbu jamg‘armaning tashkiliy huquqiy asosi “Jamoat birlashmalari to‘g‘risida”gi O‘zbekiston Respublikasi qonuniga muvofiq ishlab chiqilgan.
Mazkur qonunning 1-moddasiga binoan, har qanday jamoat birlashmasi ixtiyoriy tuzilma hisoblanadi.
Shuningdek, qonunning Jamoat birlashmalarining pul mablag‘lari, agar ustavda ko‘zda tutilgan bo‘lsa:
• birlashmaga kirish va a’zolik badallarini to‘lashdan;
• ixtiyoriy ravishda o‘tkazilgan pul va xayriyalardan;
• ustavga muvofiq o‘tkazilgan leksiyalar, ko‘rgazmalar, sport tadbirlari hamda boshqa tadbirlar, lotereyalar tushumlaridan, ishlab chiqarish, xo‘jalik va noshirlik faoliyatidan olinadigan daromadlardan;
• qonun bilan taqiqlanmagan boshqa tushumlardan tashkil topadi.
❌ Yuqoridagilardan xulosalash mumkinki, sizdan majburiy tartibda badal undirilishi mumkin emas.
❗️Ushbu holat yuzasidan tuman(shahar) adliya yoxud prokuratura organlariga murojaat qilishingiz kerak.
telegram kanal - yurist xizmati