Question

Faqat meva va sabzavotlar bilan ovqatlansa nima bo‘ladi?

Bunda organizmga kerakli vitamin va minerallar yetishmasligi vujudga keladi. Meva va sabzvatolar energiyaning yagona manbai bo‘lgan taomnomada eng zarur oziqa moddalari kamlik qiladi.

Garchi ko‘pchilik mashhur parhezlar, xususan o‘rtayer dengiz parhezida taomnomaning asosini meva va sabzavotlar tashkil qilsa-da, ular muvozanatlangan sanalib, boshqa mahsulot turlarini ham o‘z ichiga oladi.

Faqat o‘simlik asosli parhez organizmni yetarli miqdorda B12 va D vitaminlari bilan ta’minlay olmaydi, taomnomada temir mikroelementi kamligi tufayli kamqonlik rivojlanishi mumkin. Ismaloq va boshqa to‘q rangli ko‘katlar temirga boy bo‘lsa ham, ular tarkibida fitatlar mavjud bo‘lib, ular temirning so‘rilishiga to‘sqinlik qiladi.