"PROPISKA" YASHASH HUQUQINI BЕRADI, MULKDOR BO‘LISH HUQUQINI EMAS.
⚡️SAVOL:
Men oilaviy kelishmovchiliklar sababli hozirgi kunda qizlik uyimga qaytib kelganman lekin, kelin bo‘lib tushgan honadonimda doimiy "propiska"da turaman. Uy qaynotamni nomida. Savolim shuki, doimiy "propiskam" o‘sha uyda bo‘lganligi uchun meni xam uydan haqqim bormi ?
⚡️JAVOB:
Savolingizni to‘g‘ri tushungan bo‘lsak, Siz qaynotangizni nomida bo‘lgan uydan ulush talab qilishim mumkinmi demoqchi bo‘lyapsiz, lekin yo‘q. Sizni u uyda ulushingiz yo‘q. Sizni u yerda doimiy "propiska"da turishingiz Sizga o‘sha uyda yashash huquqini beradi xolos, mulkdor bo‘lish huquqini emas.
Uy-joy kodeksining 32-moddasiga asosan,
➖ Uy, kvartira mulkdorining oila a’zolari, shuningdek u bilan doimiy yashayotgan fuqarolar, agar ularni ko‘chirib kelgan paytda yozma ravishda boshqa hol qayd etilgan bo‘lmasa, uydagi, kvartiradagi xonalardan mulkdor bilan teng foydalanishga haqlidirlar deb ko‘rsatilgan.
✏️ Normadan ma’lumki, Sizni doimiy ro‘yxatingiz o‘sha uyda bo‘lganligi uchun qaynotangizni nomida bo‘lgan uydan uyni mulkdorlari bilan birdek foydalanishga haqlisiz. Agar uyga Sizni kiritmayotgan bo‘lsa sudga da’vo qilib majburiy tartibda kiritib qo‘yishlarini talab qilishingiz mumkin va bo‘ldi. Sud Sizni o‘sha uyga nisbatan shu talabingizni qanoatlantirishi mumkin. Doimiy "propiskangiz" Sizga boshqa narsa va’da qilolmaydi..