Kasallik sababli ertaroq pensiyaga chiqish mumkinmi?
@Yurist_Xizmati 4651-savol:
Salom. Menda bitta savol bor edi. Men o‘qituvchi bo‘lib ishlayman. Keyingi paytlarda mendagi grija va bo‘g‘im og‘riqlar kuchaydi yana jigarim kassallandi. Yoshim 50 ga to‘layapti. Men kasallik sababli erta nafaqaga chiqa olamanmi Davollansam ma'lum muddatga og‘riqlar to‘xtaydi sal fursatdan keyin yana boshlanadi
YURIST JAVOBI:
Pensiyaga chiqishda ish stajidan tashqari yoshga oid meyor ham belgilanadi.
Umumiy qoida bo‘yicha yoshga doir pensiya olish huquqiga:
• erkaklar — 60 yoshga to‘lganda va ish stajlari kamida 25 yil bo‘lgan taqdirda;
• ayollar — 55 yoshga to‘lganda va ish stajlari kamida 20 yil bo‘lgan taqdirda ega bo‘ladilar.
Bu Fuqarolarning davlat pensiya ta’minoti to‘g‘risidagi qonuni 7-moddasida mustahkamlangan. Shu bilan birga pensiyaga chiqish yoshini kamaytirish bo‘yicha bir qator imtiyoz bor.
Xususan, qonun 10-moddasida yoshidan qat’i nazar imtiyozli pensiya olish huquqiga ega kasblar toifasi belgilangan. Biroq ular qatorida umumta’lim maktablari xodimlarii keltirilmagan.
Ushbu qonun 9-moddasi hamda Vazirlar Mahkamasining 1994-yil 12-maydagi 250-son “Imtiyozli shartlarda pensiyaga chiqish huquqini beruvchi ishlab chiqarishlar, muassasalar, ishlar, kasblar, lavozimlar va ko‘rsatkichlarning ro‘yxatini tasdiqlash to‘g‘risida”gi qarorida tasdiqlangan 1 2 3 ro‘yxatlarda imtiyozli pensiyaga chiqish yuzasidan sizga mos asos mavjud emas.
Shuningdek, mazkur qonunning 12-moddasida yuqorida belgilangan yoshni 5 yilga qisqartirilgan holda pensiya olish imtiyozi ko‘rsatilgan.
♂️ Biroq, sizning vaziyatingizda ushbu shartlarning hech biri mavjud emasligi uchun pensiya yoshi qisqarmaydi.
❌ Shunga ko‘ra sizda imtiyozli pensiyaga chiqish huquqi mavjud emas
telegram kanal - yurist xizmati