Aliment qarzini qayta hisob-kitob qilish mumkinmi?
@Yurist_Xizmati 4749-savol:
Assalomu alaykum ayolim uyiga ketib o‘tirgan edi. U qaytib keldi va bizlar yana qo‘shildik keyin u men bilan 4 oy yashadi va yana uyiga ketib qoldi.Men bilan yashab turgan davrda "alimentga bergan arizangni qaytib olasanmi?"desam "yo‘q arizamni qaytib olmayman" dedi.O‘qituvchi bo‘lib ishlayman.Yozgi ta'til davrida ish haqim yo‘qligi hisobidan menga aliment miqdori ishsizlikdan hisoblanibdi va hozir 8 mln 500 ming bo‘libdi alimentdan qarzim. Kecha MIB dan telefon qilishdi alimentdan qarzingiz bor to‘lab yuboring deb. Hozir maktabda ishlayman.Savolim shundan iborat-ki aliment miqdorini hozirgi maoshimga nisbatan qaytadan hisob-kitob qilsa bo‘ladimi?Ya'niy hozirgi alimentdan 8mln 500 ming qarzimni hozirgi oylik-maoshimga nisbatan qayta hisob-kitob qilib bu summani qaytarsa bo‘ladimi? Iltimos shu vaziyatga yordam bersangiz
YURIST JAVOBI:
Aliment qarzi to‘g‘ridan to‘g‘ri qayta hisob-kitob qilinmaydi.
Sababi qarzdorlik oldingi muddatda to‘lanmagan majburiyatdan kelib chiqqanligi uchun, hozirgi ish haqingiz inobatga olinmaydi.
Oila kodeksining 140-moddasiga ko‘ra aliment qarzining miqdori davlat ijrochisi tomonidan sudning hal qiluv qarori yoki aliment to‘lash to‘g‘risidagi notarial tartibda tasdiqlangan kelishuvda belgilangan aliment miqdoridan kelib chiqqan holda aniqlanadi.
Bunda agar aliment to‘lashi shart bo‘lgan shaxs shu davrda ishlamagan bo‘lsa yoki uning ish haqi va (yoki) daromadini tasdiqlovchi hujjatlar taqdim qilinmagan bo‘lsa, aliment qarzi undirilayotgan vaqtda aliment O‘zbekiston Respublikasidagi o‘rtacha oylik ish haqi miqdori bo‘yicha hisoblab chiqiladi.
❗️Shunga ko‘ra siz yoz oylarida mehnat ta’tilida bo‘lganingiz va bu davr uchun ta’til puli olganingizni tasdiqlovchi hujjatlarni MIBga taqdim etish orqali aliment qarzini qayta hisob-kitob qilishni so‘rashingiz mumkin.
✅ Shuningdek, siz fuqarolik sudi orqali aliment qarzini kamaytirishingiz ham mumkin.
Bunda Oila kodeksining 141-moddasiga asosan sud aliment to‘lashi shart bo‘lgan shaxs kasalligi yoki boshqa uzrli sabablarga ko‘ra aliment to‘lamaganligini aniqlasa hamda uning moddiy va oilaviy ahvoli yig‘ilgan aliment qarzni to‘lashga imkon bermaydi deb topsa, aliment to‘lovchining da’vosiga binoan uni aliment qarzlarini to‘lashdan to‘la yoki qisman ozod etishga haqlidir.
✅ Shunga ko‘ra siz ham sudga da’vo arizasi bilan murojaat qilishingiz mumkin.
telegram kanal - yurist xizmati