Ayolni bola tarbiyalash ta’tiliga chiqishi uning mutlaq huquqi hisoblanadi.
Fuqaro murojaati. Assalomu alaykum. Men maktabda iahlayman.l2023-yil may oyida dekret ta'tiliga chiqdim. Lekin oilaviy sharoitim sabab 4oydan keyin yana ishga chiqdim. Lekin eplab ketolmadim. Men endi farzamdim 3 yosh bòlguncha qayta bola parvarishi deb ishga chiqmasam bòladimi. Bunday holda meni ishdan bòshatmaydimi? Direktorimiz siz dekretdan qaytgansiz faqat òz nomizdan 6oygacha otpuskaga chiqishiz mumkin dedilar
Ish beruvchilar tomonidan ayollarni bola tarbiyalash ta’tiliga chiqishida yoki uni bola tarbiyalashdan qaytarishda qonunchilik bizilishiga doir ko‘plab xatoliklar qilinadi. Aslida bola tarbiyalash huquqi ayolning mutlaq huquqi hisoblanadi.
Murojaatchiga yuborgan javobimiz. Mehnat kodeksining 405-moddasiga asosan homiladorlik va tug‘ish ta’tili tugaganidan keyin, ayolning xohishiga ko‘ra, unga bolasi ikki yoshga to‘lguniga qadar bolani parvarishlash ta’tili berilib, bu davr uchun O‘zbekiston Respublikasi Vazirlar Mahkamasi tomonidan belgilanadigan tartibda nafaqa to‘lanadi.
Ayolga uning xohishiga ko‘ra, bolasi uch yoshga to‘lguniga qadar uni parvarishlash uchun ish haqi saqlanmagan holda qo‘shimcha ta’til ham beriladi.
Bolani parvarishlash ta’tillari davrida xodimning ish joyi (lavozimi) saqlanadi. Bu ta’tillarning ko‘pi bilan olti yili mehnat stajiga qo‘shiladi, shu jumladan mutaxassisligi bo‘yicha ish stajiga ham qo‘shib hisoblanadi.
Hozir siz dekret ta’tilidan ishga qaytib bir muncha muddat ishlagan bo‘lsangiz ham o‘z xohishingizga ko‘ra ariza yozib bolani parvarishlash ta’tiliga bemalol chiqsangiz bo‘ladi. Bu ta’til xodimning xohishiga ko‘ra beriladigan ta’til bo‘lib, xodim undan bolasi 3 yoshga to‘lguniga qadar xohlagan paytida foydalanishga haqli. Shu sababli, ariza yozib ta’tilga bemalol chiqsangiz bo‘ladi. Bu davrda hech kim sizni ishdan bo‘shata olmaydi.