Kutubxonachiga ustama berilmaydimi?
@Yurist_Xizmati 4592-savol:
Assalom alaykum!Vazirlar Mahkamasining 2019 yil 30 sentyabrdagi 823- son qarori bilan tasdiqlang " "Umumiy o‘rta ta'lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida" nizomda kutubxonachilarni baholash mezonida qilgan ishlari uchun taqdim etgan papkasida 80- ball yig‘ganligi uchun 15% ustamaga davogar bo‘lsada lekin nomutaxasisligi uchun bu kutubxonachiga ustama berilmidimi?
YURIST JAVOBI:
❕Kutubxonachining mutaxassisligiga qonunda hech qanday cheklov qo‘ymagan.
Umumiy o‘rta ta’lim maktabi (maktab-internat) Kutubxona mudiri, Kutubxonachi lavozimining malaka tavsiflariga ko‘ra:
➖Ma’lumot: kamida o‘rta maxsus ma’lumot yoki oliy bakalavr diplomiga ega bo‘lishi
➖Mutaxassislik: Mutaxassislik talab etilmaydi.
Mana shu qoidaga ko‘ra kutubxonachi o‘rta maxsus ma’lumotli bo‘lishi bu lavozimda ishlashi uchun yetarli sanaladi. Uning mutaxassisligiga maxsus talab belgilanmaydi.
❗️Shunday ekan kutubxonachi Vazirlar Mahkamasining 2019 yil 30 sentyabrdagi 823-son qarori bilan tasdiqlangan “Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida”nizomga ilovada belgilangan baholash mezonlariga ko‘ra to‘plagan balli uchun ustama olishga haqli.