Question

Inklyuziv ta’lim uchun qancha ustama to‘lanadi?

@Yurist_Xizmati 4897-savol:

Assalom aleykum umumta'lim maktabda inklyuziv ta'limda maxsus pedagog bo‘lib faoliyat yuritayabman 4 oy bo‘ldi 2ta sinfda 2 nafar o‘quvchim bor.V.Mning 638 qarorda ustama haqida berilgan o‘sha qarorda necha foiz ustama to‘lanadi shu matnga tushunmayabman menga ustama haq to‘lanmayabdi nima chora qo‘llasam bo‘ladi

YURIST JAVOBI:

Vazirlar Mahkamasining 2021-yil 12-oktabrdagi 638-son qaroriga 1-ilovada tasdiqlangan Umumiy o‘rta ta’lim tashkilotlarida inklyuziv ta’limni tashkil etish tartibi to‘g‘risidagi Nizom 53-bandiga ko‘ra, inklyuziv ta’lim sinflari o‘qituvchilariga mehnatning alohida sharoitlari uchun har oyda to‘lanadigan ustama haqi sinfda alohida ta’lim ehtiyojlari bo‘lgan:
 bir nafar bola uchun - lavozim maoshining 10 foizi;
 ikki nafar bola uchun - lavozim maoshining 20 foizi;
 uch nafar bola uchun - lavozim maoshining 30 foizi miqdorida,
 ikki va undan ortiq inklyuziv ta’lim sinflarida to‘rt nafar va undan ortiq bola uchun - ta’lim-tarbiya ishlarini olib borgan o‘qituvchilar va maxsus pedagoglarga lavozim maoshining 40 foizi miqdorida belgilanadi.

✅ Yuqoridagi qoidaga ko‘ra sizdagi holatda 2 nafar bola bo‘lgani uchun ular ikki sinfda o‘qigan taqdirda ham lavozim maoshingizning 20 foizi miqdorida qo‘shimcha ustama belgilanadi.

telegram kanal -  yurist xizmati