Alimentdan voz kechish evaziga uy olish mumkinmi?
@Yurist_Xizmati 4598-savol:
Assalomu alaykum meni 4 ta farzandim bor turmush o‘rtog‘im boshqa ayol bilan yashamoqchi rasman ajrashmaganmiz u menga yashab turgan yumizni bermoqchi evaziga aliment to‘lashdan kechishini aytyabdi bu holatda men nima qilsam bo‘ladi .Men xech qayerda ishlamayman.
YURIST JAVOBI:
❌ Alimentdan voz kechish evaziga uyni berish mumkin emas.
❗️Fuqarolik kodeksining 344-moddasiga asosan alimentlar undirish haqidagi talabni hisobga o‘tkazishga yo‘l qo‘yilmaydi. Bu degani, uyni berib alimentdan ozod qilishni so‘rab bo‘lmaydi.
Agar uy-joy turmush davringizda orttirilgan va turmush o‘rtog‘ingizning nomida bo‘lsa, unda Oila kodeksining 23-moddasiga ko‘ra bu uy sizlarning umumiy mulkingizdir. OK 28-moddasiga asosan uyning 50 foizi shundoq ham sizniki bo‘ladi.
Agar nikohdan oldin olingan yoki turmush o‘rtog‘ingizga hadya yohud meros tarzida qolgan bo‘lsa, bu uy uning shaxsiy mulki hisoblanadi. Ushbu vaziyatda sizga uyning qiymatidan kelib chiqib harakat qilishni tavsiya qilamiz.
✅ Agar uyning qiymati yuqori bo‘lib, farzandlaringiz 18 yoshga to‘lguncha qoplanadigan aliment miqdoridan katta yoki teng bo‘lsa, aliment o‘rniga uyni olishingiz mumkin.