Muhammad Rizo Ogahiy nomidagi xalqaro mukofot ta’sis etiladi
“Badiiy tarjima sohasida Muhammad Rizo Ogahiy nomidagi xalqaro mukofotni ta’sis etish to‘g‘risida”gi Prezident Qarori (PQ-205-son 04.05.2024 y) qabul qilindi
Qarorga ko‘ra, badiiy tarjima sohasida Muhammad Rizo Ogahiy nomidagi xalqaro mukofot (Xalqaro mukofot) ta’sis etiladi.
Xalqaro mukofot uchun tanlovlar 2025 yildan boshlab, har 2 yilda bir marta quyidagi
yo‘nalishlarda o‘tkaziladi va g‘oliblar aniqlanadi:
o‘zbek adabiyotining nasriy asarlaridan xorijiy tillarga qilingan eng yaxshi tarjima;
o‘zbek adabiyotining she’riy asarlaridan xorijiy tillarga qilingan eng yaxshi tarjima;
o‘zbek bolalar adabiyoti namunalaridan xorijiy tillarga qilingan eng yaxshi tarjima;
xorijiy tillarda yaratilgan nasriy asarlardan o‘zbek tiliga qilingan eng yaxshi tarjima;
xorijiy tillarda yaratilgan she’riy asarlardan o‘zbek tiliga qilingan eng yaxshi tarjima;
xorijiy tillarda yaratilgan bolalar adabiyoti namunalaridan o‘zbek tiliga qilingan eng yaxshi tarjima.
✔️ Xalqaro mukofot g‘oliblarining har biri maxsus diplom, ko‘krak nishoni va BHMning 300 baravari (102 mln so‘m) miqdorida bir martalik pul mukofoti bilan taqdirlanadi.