Tonirovka belgilangan meyordan oshsa ya’ni 70 foiz bo‘lsa nima bo‘ladi?
@Yurist_Xizmati 4546-savol:
Tanirovka belgilangan fiozdan oshsa yani 70 % bosa nma boladi? Gai xodimiga ozimni ximoya kluvchi asos kerak
YURIST JAVOBI:
Vazirlar Mahkamasining "Tusi o‘zgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari to‘g‘risida"gi 547-sonli qaroriga ko‘ra
M1, N1 va N2 toifaga oid avtotransport vositalari old yon oynalarining tusini yorug‘lik o‘tkazuvchanligi — 30 foizdan kam bo‘lmagan darajada;
shuningdek, M2, M3 toifaga oid III klass avtotransport vositalari yon oynalarining tusini yorug‘lik o‘tkazuvchanligi — 30 foizdan kam bo‘lmagan darajada o‘zgartirish (qoraytirish) tasdiqlangan davlat standarti bo‘yicha, shuningdek, xorijiy davlatlarning ishlab chiqaruvchi korxonalari tomonidan tusi yuqorida belgilangan me’yorlardan ortiq bo‘lmagan darajada o‘zgartirilgan (qoraytirilgan) oynalar o‘rnatilgan, erkin muomalaga chiqarish (import) va vaqtincha olib kirish bojxona rejimlariga rasmiylashtirilgan avtotransport vositalaridan foydalanish O‘zbekiston Respublikasi Ichki ishlar vazirligi Davlat yo‘l harakati xavfsizligi xizmati tomonidan 1 yil muddatga beriladigan ruxsatnomaga asosan amalga oshiriladi.
☝️Mana shu qoidaga ko‘ra avtotranspor vositalari old yon oynalarining tusini 30 foizgacha o‘zgartirishga ruxsat beriladi.
❗️Bunda yog‘urlik o‘tkazish darajasi 70 foizdan kam bo‘lmasligi kerak. Agar bu meyor buzilsa, tegishli javobgarlik mavjud. Ma’muriy javobgarlik to‘g‘risidagi kodeks 126-moddasiga ko‘ra bunday harakat bazaviy hisoblash miqdorining 25 baravari miqdorida jarima solishga sabab bo‘ladi.