Question

HIMOYA ORDЕRI TALABLARI BAJARILMASA NIMA BO‘LADI ?

⚡️SAVOL:
Menga yaqinda turmush o‘rtog‘imning nojo‘ya hatti-harakatlari sababli oilaviy zo‘ravonlik bo‘yicha himoya orderi berildi. Savolim shuki, turmush o‘rtog‘im tomonidan o‘sha himoya orderi talablari bajarilmasa nima bo‘ladi ?

⚡️JAVOB:
Ma’muriy javobgarlik to‘g‘risidagi kodeksning 206  prim 1-moddasiga asosan,

➖ Tazyiq o‘tkazgan yoki zo‘ravonlik sodir etgan yoxud ularni sodir etishga moyil bo‘lgan shaxs tomonidan himoya orderi talablarini bajarmaslik, — bazaviy hisoblash miqdorining bir baravaridan uch baravarigacha miqdorda jarima solishga yoki o‘n besh sutkagacha muddatga ma’muriy qamoqqa olishga sabab bo‘ladi.

✏️ Yuqoridagi asosga ko‘ra, agar turmush o‘rtog‘ingiz Sizga nisbatan himoya orderi amal qilib turgan vaqtda yana qandaydir nojo‘ya hatti-harakat sodir qiladigan bo‘lsa unga nisbatan normada ko‘rsatilgan miqdorda jarima solinishi yoki u 15 sutka ma’muriy qamoqqa olinishi mumkin.