Yaxshi ko‘rish boshqayu, mehr berish boshqa.
Mehrning izhorida gap ko‘p ekan. Yaratgan biron insonga nisbatan yuragingizga tuyg‘u joylasa, bilingki, uni ulashish kerak. Mehr ulashilganda ortadigan, yashirilganda so‘nadigan narsadir.
Otamisiz, farzandingizga mehr bering, taltayib ketadi demang, mehr buzmaydi bolani, e’tiborsizlik va kibr buzadi.
Ermisiz, ayolingizga mehr bering, taltayadi demang, mehrsizlikdan qurib yoki boshqalardan mehr tilanib yurgandan ko‘ra, jufti halolining mehridan taltayib yashnasin.
Farzandmisiz, ota-onangizga mehringizni izhor qiling, ko‘p-ko‘p izhor qiling, shundog‘** biladilar demang, bilish ko‘ngilga taskin bermaydi, ko‘ngilga tuyish taskin beradi. Mehringizni doim his qilib tursinlar.
Izhor etilmay ketgan mehrning uvoli bor.